補習老師上半山過億獨立屋試堂！遲到7分鐘扣3位數學費？5點拒絕任教︰再高的offer我都唔會教！
不少香港家庭為了子女的學業，課後會為小孩請私人補習老師輔導功課。近日，1名女家教分享自己到半山過億獨立屋為學生試堂的經歷，卻因5點而拒絕繼續當家教，當中包括遲到補鐘後仍被扣3位數學費。帖文引來大批網民討論，有人撐樓主指「走嚟同人講話要扣返錢真係好樣衰」，亦有人唔撐「去半山教奉旨有司機車你？」，即睇下文了解事件詳情！
家教到半山過億獨立屋試堂 因5點拒絕繼續當家教
近日，1名女補習老師在Threads上以「有一種家庭，再高的offer我都唔會教」為題發文，指自己日前到「半山過億獨立屋」的家庭給學生試堂，但因5點拒絕繼續任教。首先，樓主指半山位置的家庭因地點偏僻，交通較為不便，樓主表示「通常呢類家庭會安排司機接我去或者額外俾交通錢」，不過當日試堂的家庭並沒有這樣做。
樓主一入屋就被豪裝修嚇親
當日樓主到達學生家中時，就被屋內「土豪裝修嚇親」，當樓主看到學生的家長時被震驚指「我以為係屋企的阿姨」，認為「正常第一次見老師或客人都會簡單打扮一下（特別如果係闊太）」，對此感到自己未受到尊重。試堂時，樓主詢問學生「學校學緊咩，有咩唔識」，但對方只回應「唔知，唔清楚」，直斥對方是「不甚上進的青年」。課後，秘書要求樓主寫有關學生的觀察和分析報告。
遲到7分鐘要扣3位數學費！
秘書與樓主計算學費時，指因為她遲到7分鐘，所以需要從學費中「扣返$XXX呢個數。」樓主解釋指因交通不便而遲到，但已「遲落堂補返時」，秘書聽後表示會向女主人反映，惟樓主此時已不想再有過多的糾纏，直言「算啦，你照過呢個數俾我，麻煩幫我同X太講，我覺得自己唔太適合教佢小朋友，thank you」，更在文中指「裝修反映父母，父母反映家教，家教反映學生」。
網民反應兩極
網民了解此事後反應兩極，一部分人表示認同樓主，「講得好啱，生咗唔教，又唔肯畀錢人教，不如算啦」、「第一次上嚟你屋企仲要半山仲要嗰7分鐘，走嚟同人講話要扣返錢真係好樣衰」、「睇到呢家人咁麻煩人工又唔係特別高 ,你嘅選擇係冇錯」、「遲幾分鐘都咁計較嘅真係算X數」、「交通接送真係基本」、「Send report個下真係睇到呆左」和「7分鐘扣三位數？！」。
不過，亦有人覺得樓主當事家庭並未有錯，反問樓主「冇安排司機接送/交通錢, 唔覺有咩問題, 覺得遠可以唔接」、「遲到就是遲到，準時下堂也是你的責任。」、「去半山教奉旨有司機車你？」、「點解係自己屋企要打扮好黎見你？」、「點解學生唔可以唔上進？識既就唔係你教啦」、「點解要assume包車費based on 住咩屋？」和「喺自己屋企特登為咗你無啦啦打扮下咪仲奇怪」。
▼原帖文▼
來源︰Threads@kyjessiee
港生活人氣本地熱話
【旅途無蝨】請您用AQUA PRO+TECH「驅蚊大師」滅菌驅蚊液 ！
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
