74歲李龍基即場示範深蹲展示雄風 親自回應「衰鹹濕」負評
TVB Plus（82台）全新直播一小時節目《奇情谷》由導演火火、吳若希（Jinny ）及曾展望（GM）三位谷主主持，昨晚（1日）主題「忘年戀」，請來重磅級「奇情嘉賓」李龍基登場，他在節目中盡數跟仍在獄中未婚妻王青霞（Chris）衷情，而且無所不談，更首度公開她在獄中寫給自己的情書。
74歲李龍基作客《奇情谷》
節目中李龍基（基哥）表示剛完成登台回港，他笑言主辦方低估自己的叫座力，錯失搵錢機會︰「原本可以加多兩場，但係主辦方話『唔好喇，佢同老婆啲嘢搞到咁樣，無人嚟睇』點知做完三場，現場反應好高興，到佢哋想加已經無辦法，行程傾好晒。」事後主辦方猛叫「走雞」。
李龍基直言「畀人呃抵死」
節目中三位谷主跟網民紛紛「審死官」上身，食住花生提出尖銳問題。先出招的火火抵死地問基哥髮型出自那位髮型大師手筆時，基哥自言一手一腳設計，他解釋︰「雖然而家一把年紀，上到台都要畀人特別感覺。」接住GM提出不少網民的質疑表示整件事是「衰鹹濕、假眼淚，演技造作」，基哥氣定神閒回應說︰「呢個時段我已經百毒不侵，網民講乜嘢咪由佢哋，你話真好、假好，我完全唔care。對攻擊嘅言語，我全部聽唔到。」
有心有力臨近出獄要「加操」
對於不少人好奇74歲的基哥，如何能滿足女方時，他豪言有心有力，還即場示範深蹲展示雄風︰「我每次深蹲可以做30下，當然男人到咁上下唔多唔少要補養嘅，最緊要生活習慣要正常，keep住運動。」他笑言接近未婚妻出獄日子，要「加操」保持體魄。
未婚妻Chris獄中每日一信字字衷情
基哥提到Chris在獄中每日都會寫信，每封都長達4頁紙，已累積超過400多封，有些信會畫上圖畫非常有心思。望見面前一大堆情書，火火有感而發說︰「我真係想講一樣嘢，大家可能覺得佢畀『騙子』呃，但個『騙子』做到咁足呢，抵死啦。」在旁的基哥亦附和說︰「畀人呃抵死啦。」
子女支持忘年戀反問「計劃生baby嗎？」
當三位谷主讀出部份信件內容時，在旁聽的基哥已眼有淚光。基哥表示這段戀情獲子女支持，未婚妻被判入獄當日，即時收到囡囡的短訊慰問，令他感到安慰。他笑言最搞笑是囡囡問「你們會計劃生baby嗎？」
網民兩極｜支持派「感情係兩人嘅事」 反對派「衰鹹濕流假眼淚」
此外，節目chat room及TVB Plus的網上專頁留言踴躍，有人讚基哥有情有義是絕種好男人，亦有人提出質疑，總之網民都食住花生「審死官」上身，有留言表示「佢老婆沒有飛機師駕駛執照」、「基哥仲有心情上節目」、「感情嘅嘢係兩個人嘅事，唔使理外界啲人說三道四」。
港生活人氣娛樂新聞
↓【限時搶⚡】森源安睡足艾貼↓
↓吸走體內毒素｜改善血液循環 ↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
