奪命提示｜劉穎鏇郭柏妍性感女僕裝出場 組「魔音女團」跳貓咪舞送心心

劉穎鏇郭柏妍女僕裝

劉穎鏇及郭柏妍將以八個不同風格的孖妹造型亮相，無綫官方社交網今早率先釋出其中一個「Shocking Pink貓女郎」造型的官方宣傳片，穿起露腰女僕裝、戴上貓耳頭箍、腳戴長Boot的Tiffany與Rosita大跳可愛貓咪舞，期間還做出單眼、送心心及飛吻等動作，魅力爆燈。

+4

+3

點擊圖片放大

郭柏妍愈拍愈瘦

郭柏妍接受訪問時透露每個造型及髮型都是花盡心思：「監製阿Jazz真係好好、好仔細，希望將每個造型都做到最好畀觀眾睇，所以每個造型同髮型都真係諗咗同試咗好多次。」談到造型改了又改，會否與拍打戲拍到瘦有關，Rosita坦言拍《奪命》確是愈拍愈瘦：「因為呢套劇真係好多動作場面，加上要配合番啲造型、想出嚟效果靚啲，我都真係唔敢食太多，我估呢套劇我前後瘦咗八磅左右，腰圍可能得番21/22吋，有機會比我選港姐嗰時仲瘦。」

+3

+2

點擊圖片放大

「奪命雙魔音」將強勢降臨

本周「柏鏇CP」除了俏萌造型大放送，還會大晒「雙魔音」！昨日，無綫官方網播出了Tiffany在錄音室聲「沙」力竭地高歌疾呼的片段，而片段中的工作人員則全程焗蟹焗至紅都面晒，加上現場有Rosita坐陣，不少網民隨即聯想到二人會齊齊大晒魔音，紛紛留言表示期待之餘，更有人指Tiffany的演唱片段，拍得住黃一飛在電影《少林足球》中的歌唱實力，期待值爆燈。

+3

+2

點擊圖片放大

劉穎鏇郭柏妍組女團

本周《奪命提示》其中一個焦點個案是「娛樂公司殺人事件」，柏飛（陳山聰飾）及姜姐（劉佩玥飾）負責監護的蕊蕊（區明妙飾）亦會捲入其中兼身陷危機…為了查出真相，嘉莉（劉穎鏇飾）與商雙（郭柏妍飾）將組成女團Double C企圖直搗涉案娛樂公司核心，俊朗（張振朗飾）則扮演二人經理人。

+6

+5

點擊圖片放大