馬國明自拍驚現「咖喱雞」！與湯洛雯結婚一年半依然火辣辣 網民笑「連場大戰」
貼地視帝馬國明與湯洛雯（靚湯）於2023年拉埋天窗後，經常在社交網站公開放閃，適逢馬明於2月踏入51歲，靚湯更準備了一場Sweet爆東京之旅為老公慶生，難怪被網友睇好為「勤力造人」的一對，而且最有機會榮升「蛇年父母」的模範夫妻！
馬國明自拍驚現「咖喱雞」
未知是否人逢喜事精神爽，最近正忙拍《新聞女王2》的馬明，激罕上載靚仔自Selfie相至限時動態，染了一頭啡髮後精神爽利，力證自己保養得宜兼零老態，實行「用相片說話」！馬明寫道：「#又餓了 #點部署 #想食米線」 不過，隨著眼尖網友發現馬明頸上驚現「咖喱雞」，而且顏色粉嫩，絕對是「新鮮製造」，馬生馬太果然恩愛！
網民開玩笑「連場大戰」
開心大發現後，不少網友紛紛留言表示羨慕馬明與靚湯結婚年半仍能如膠似漆，恍如初戀般熾熱！網友爆笑留言說：「我有無睇錯？馬明頸上有咖喱雞😂 睇黎呢幾日連假連場大戰，靚湯好肉緊😂😂」、「食開咩湯…😏😏😏」、「馬明餓，叫靚湯餵你，今次係湯咖喱😂😂😂 」、「兩公婆仲咁恩愛，值得開心」、「繼天然呆之後，又一成『明』作」等。
港生活人氣娛樂新聞
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
全新功能《U GO》強勢登場🎉！
立即探索🔍本地熱門活動📍好去處🔔食玩買情報
