離巢華姐冠軍爆失戀全靠阮兆祥陪伴 當年慘遭攻擊拜金形象一落千丈
因無綫節目《歡樂今宵》結緣眨眼40載的阮兆祥、梅小惠、江欣燕，早前合作拍攝節目《友乜唔講得》，最新一集現身兩位嘉賓，是已轉型為女強人、近年甚少現身公仔箱的廖碧兒及蘭茜。
「藝人轉型」娛樂圈秘聞
本集主題圍繞「藝人轉型」，梅小惠及江欣燕自揭曾分別轉型市場推廣及售賣磁性首飾小生意；至於透過「十九區業餘歌唱比賽」入行的阮兆祥，透露當年的獎品是電台歌星藝員合約，但由於冇乜Job，與阮兆祥同屆的冠軍得主李克勤即建議他報讀DJ訓練班。
阮兆祥爆當年兼職EYT遭冷言
阮兆祥憶述當年任職電台DJ期間，先後獲得出唱片及演出EYT機會，不過當阮兆祥向電台高層請假錄影EYT時，對方卻講了頗為難聽的說話：「睇你個樣都好似鄧英敏同羅浩楷咁玩屎玩尿。」梅小惠聞言即搞笑謂：「咁衰？踩你唔緊要，踩兩位前輩緊要呀！」阮兆祥則笑言全靠該名高層激勵，令他知道要更加努力做出成績。
廖碧兒感激阮兆祥幫忙渡過失戀低潮期
今集兩位藝人嘉賓廖碧兒及蘭茜，亦分別轉型做紅酒生意及行政／藝術方面的工作。2001年國際華裔小姐冠軍廖碧兒，現時於法國擁有酒地、在智利擁有酒莊，與祥仔因拍攝《皆大歡喜》成為好友，廖碧兒笑言2008年失戀期間，全靠阮兆祥的陪伴才撐過去，並因而開啟了屬於她自己的紅酒之路。
坐擁酒地＋酒莊原來係表面風光？
廖碧兒表示：「嗰時我想要散吓心，我記得去咗加拿大拍電影，但落大雪拍唔到，我哋（我同阮兆祥）就飛咗去美國一日遊；我係喺美國開始有釀酒念頭先，嗰時原本我好唔開心，但去到嗰度覺得everything is so beautiful，仲好有希望。（梅小惠：隔籬係阮兆祥都好有希望？）佢搞笑吖嘛，令到我好開心。」
廖碧兒以「嫁人」妙論釀酒生意蝕本都要做
廖碧兒又自揭本身並不喜歡飲酒，當初走去釀酒除了是想調製出自己喜歡的味道，亦是真心想做善事，一切來得低調；直到她釀的酒獲得獎項肯定、有愈來愈多人知道她有釀酒後，質疑之聲因而響起，廖碧兒亦在那刻決定要正式學品酒。「開始有人judge我：『吓佢識架咩？』咁我就去學番WSET嗰啲（Wine & Spirit Education Trust）。其實Blind tasting我好驚，要知咩提子咩年份。」
「等於結婚，你係蝕都好，你都會同佢結架嘛」
雖然經歷了這麼長時間的釀酒之路，有酒地兼有酒莊，但廖碧兒卻強調釀酒並不賺錢，並以「嫁人」做比喻：「等於你結婚，你好難話嗰個人係投資，你係蝕都好，你都會同佢結架嘛，我係蝕架！」
梅小惠爆廖碧兒拍《皆大歡喜》係鬼見仇
談到當年拍攝《皆大歡喜》，梅小惠笑言很多人都聞「碧兒」色變：「我哋一睇到rundown有你個名已經好驚，見到有碧兒企喺度都未驚住，但如果『吓？佢有兩句架！』就…你有冇發現排戲時，我哋都盡量避開你，叫你同文龍講啦、同愷威講啦，我哋就盡量退，因為驚要補Shot。」
爆劉愷威當年一舉動勁Sweet
不過梅小惠都有幫口指廖碧兒很努力，她與阮兆祥亦異口同聲指當年劉愷威確實幫了廖碧兒很多，梅小惠說：「佢放食飯就會捉住愷威對對對，愷威又好有心，當然會畀我哋笑（緋聞）啦，但真係覺得佢哋好有情有義咯。」
港生活人氣娛樂新聞
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
↓【出POST即賺錢】《社群》再派錢！立即參加～↓
↓立即參加！賺取無上限現金賞💰↓
