Chiikawa變「卡哇痴」海港城爆衝突！黃牛黨答唔出全名被拒買

Chiikawa海港城逾千粉絲打蛇餅

日本超人氣品牌Chiikawa首間香港官方限定店，4月2日起進駐尖沙咀海港城，並分作三階段發售21款經典公仔。第二階段開賣前夕（14日），主辦方Niko Niko突於下午4時11分在Facebook宣布開放海港城外排隊區，吸引逾千人湧現排隊。

Chiikawa變「卡哇痴」黃牛黨答唔出全名

最新再有市民透過社交平台分享，在海港城Chiikawa香港限定店疑似再現「黃牛黨」，現場遭職員詢問想購買的公仔全名，豈料對方無法回答問題之餘，竟然答「卡哇痴」，令現場粉絲笑爆嘴，最終被店方拒絕購買！有部分網民表示支持做法，但都有人認為「佢話佢個孫好鍾意，自己唔知個名，咁點駁」？有人就指最終解釋權在公司手中，公司可以決定賣不賣。

點擊圖片放大

現場有人報警 黃牛排隊黨遭驅趕 

根據網上群組影片顯示，現場有人報警，據指是多名黃牛排隊黨與現場人員出現衝突，事件引發圍觀者議論，此外亦有港人稱現場大部份為內地排隊黨，但認為十分「難趕」、「保守估計有8成都係，點趕？」「要有人嘈先做野，趕牛你趕得到先算啦」、「本身就應該係要趕走曬d牛啦！係佢地（主辦方）突然話4點開始排，搞到依家個情況咁混亂喎」。

點擊圖片放大

Chiikawa達摩公仔現炒價 最貴一套3隻$3800

Chiikawa限定店分3階段發售21款經典公仔，其中達摩系列公仔更備受關注，分別有Chiikawa、小八貓及Usagi兔兔角色，每隻售價$135元，3隻即合共$405。不過翻查拍賣平台Carousell，有網民正發售同系列達摩公仔（一套3隻），叫價高達$3800起不等，炒貴接近10倍。

資料及圖片來源：Carousell、小紅書、Facebook@Chiikawa ちいかわ 愛好者關注/買賣/分享組HK、連登討論區