奪命提示｜韓馬利兩分半鐘自白戲晒多元情緒 自揭一度拍至虛脫因𦧲脷狂NG
TVB熱播劇《奪命提示》除了主角連場動作場口精彩絕倫，引爆熱烈討論之外，亦有不少實力演員展現絕佳演技！日前一集就由韓馬利（Mary姐）將「子超媽咪殺人」事件頭帶到落尾，不少網民均被其突破性演出深深震撼：「好耐冇見過咁瘋狂嘅Mary姐」、「血腥馬利Bloody Mary」。
韓馬利兩分半鐘自白戲
昨晚一幕落口供場口，Mary姐確實展示了出神入化的絕佳演技，在兩分半鐘的獨白式自白場口中，雖然對白主要是憶述過去，只有極少量個人情緒描述字眼，但Mary姐單靠微表情及肢體語言，已演活了空洞、歉疚、恐慌、怨恨及厭惡等不同情緒，情緒變化極盡層次之餘，亦完美展現出角色愈趨暴走及崩潰的狀態。最後終極失控的娥姐，向著姜姐一再瘋狂叩頭至暈倒一幕，更帶著驚人的爆發力及記憶點，網民讚嘆：「韓馬利的確幾好戲...演得好癡線~」
韓馬利一度拍至虛脫
談到角色情緒起伏大，Mary姐坦言有幾場戲拍畢後有虛脫感：「有幾場戲我真係有少少虛脫，因為要好用力去做，對我嚟講都係一個大挑戰。」Mary姐還大方Share昨晚落口供場口，就是她狂吃Ng一幕。
事緣Mary姐當日碰巧要整牙，由於麻醉藥關係令舌頭腫脹兼被自己意外咬損，已自知狀態未如理想；但礙於該日是相關佈景最後一日廠期，Mary姐為免影響拍攝進度，在沒有向監製反映現況的情況下便頂硬上照開工，相當專業。
因𦧲脷狂NG
Mary姐：「我都知我嗰日講對白有啲困難，所以我特別好小心去咬字，但咬極都有啲𦧲脷，監製Take完一個Take後，話唔知我講乜，再嚟過，Take Two、Take Three、Take Four，但都係有啲𦧲，因為條脷又腫又損咬字好辛苦。其實嗰吓每次NG我都好大壓力，我心諗：『死喇，下一個可唔可以再好啲呢？』愈係咁，我壓力愈大，所以場戲我拍得好辛苦。但監製佢好好，佢唔知我發生過咩事，只知我係咁𦧲脷，但都冇鬧我。」
大讚丁子朗超貼心：真係好乖好純品
這個單元亦突顯了娥姐與子超血濃於水的關係，無論是子超擔心／保護娥姐的場口，抑或兩母子相視而笑的溫馨畫面，二人均表現出高度默契。對此，Mary姐坦言很喜歡丁子朗這個兒子，並讚不絕口謂：「我好想佢做我個仔，佢真係好乖好純品。平時佢見到我攞住嘢，一定主動幫我攞，仲會行快兩步同我開門，佢真係好照顧身邊嘅人，係一個工作認真到不得了嘅人。每次拍完戲，佢又會問我有咩要改進，佢對自己要求好高。」
港生活人氣娛樂新聞
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
↓【招募試食員🐱】送Harlow Blend全新貓糧系列！↓
