港女呻移英後失去購物慾！懷念昔日在港買衫買盲盒的日子！網民共鳴︰嚟到買少左好多
購物是不少港人假日消遣的活動，亦喜歡購入一些可愛擺設和新衣物。最近，1名移民英國的港人在社交平台上發文表示自己移英後「物慾變到好低」，懷念自己往日在香港「買衫、買盲盒、買公仔」和「行啲文青小店又買一餐」的日子，大吐苦水指失去了「買到心頭好嘅快樂」。帖文引來不少網民共鳴表示「嚟到買少左好多」，即睇下文了解更多詳情！
港女移英後失去購物慾
近日，1名移英港人在Threads上發文詢問「有冇人黎左英國之後物慾變到好低？」，同時分享自己昔日在香港時「成日買衫、買盲盒、買公仔」，亦會「行啲文青小店又買一餐」。可是在她移居英國後，竟然「半年都買唔到一件衫」，直言「（英國）冇咩特色店舖行下」，最多只會去古著店，但「要尋寶尋勁耐」。
樓主表示雖然物慾變低能「慳唔少錢」，卻失去了「買到心頭好嘅快樂」，樓主亦回憶以前在港工作時「一出糧就買嘢獎勵自己，就算買杯珍奶都開心。」反觀現在收到工資「淨係應付日常開支」亦「完全冇嘢想買」，樓主對此呻「我知冇得比較以前同依家嘅生活，但就係忍唔住回憶往事。」。
網民共鳴︰嚟到買少左好多
此事引起不少移英港網民共鳴，紛紛表示認同，「琴日都同人講冇得買小廢廢」、「我好鍾意買高級垃圾，但嚟到買少左好多」、「以前香港喪買菲林 而家好需要先至會買」、「倫敦無嘢好買，啲舖來來都嗰啲，啲style又唔啱胃口，vintage matket好少少嘅，結果都係網上買再寄過嚟」、「一來無得行實體舖，而來無咁多多餘錢」和「老實講係冇咗以前在香港嘅朝氣」。
不過，亦有網民持相反意見，認為反而在英國的購物慾更強，「冇，英國行街大把舖頭行，唔會好似香港咁千篇一律，買到勁多得意嘢：文具、精品、小玩意、公仔、衫褲鞋襪帽都買」、「冇，以前唔多買嘢，嚟英國買多咗」、「我開頭都係咁諗，不過過咗半年就回復本性，只係買既地去同東西唔同左。但係都係成日買買買」和「住倫敦同以前一樣買咁多野，係倫敦咁多名店潮店，是但行一行就會跌錢 」。
▼原帖文▼
來源︰Threads@tiff__aany_
港生活人氣本地熱話
【社群送禮🎁】大派15,000個Namco遊戲代幣及Chiikawa精品🎮！
⬇ 簡單留言即有機會免費暢玩Namco⬇
↓《Chill賞放大假》大派海洋公園水上樂園門票！↓
