奪命提示｜張彥博一洗乖仔形象做白髮奸角 邪氣沖天獲封「奪命版鏗少」
TVB熱播劇《奪命提示》引爆熱烈討論一眾奸角更是功不可沒，日前一集就有張彥博（Bob）飾演的「頭盔男殺手」凌烈出場，強勢重量級奸角登場的姿態，吸引了網民廣泛關注，有網民更封他為「奪命版鏗少」！
張彥博一洗乖仔形象做奸角
一身黑氣兼駕上墨鏡登場的張彥博，狡黠又帶著卑視的笑容，以及皺出奸味的眼眉，成功一洗一貫的乖仔、書卷味及斯文形象，為壞人與警方鬥智鬥力場口增添不少張力。其實為了給予觀眾煥然一新的感覺，阿Bob確是下了不少苦功，為了告別招牌Baby Face及更配合角色，阿Bob於短短2個月左右激減8公斤（約17-18磅），並不停曬燈甚至「油黑」自己。
狂照鏡練習如何變猙獰
阿Bob笑言由於角色大部分時間「笠到實」，故有時只能以嘴巴及眉毛做戲，並感激Jazz給予不少指導：「冇晒眼神做戲係我第一次，所以只能靠個嘴同埋動作去完成成件事，其實好大難度。不過Jazz好好，佢教咗我幾個動作，連笑容都有tune我，又教我個大方向係要恥笑同挑釁多啲對手，畀好多意見我，真係好感謝佢。」Bob又指拍攝前還有不斷研究如何令自己變得更猙獰及樣衰。
天生白髮體質
不少網民覺得阿Bob的全新白頭佬造型眼前一亮，阿Bob透露原來他是天生如此髮色，並謂自中學時開始已有白髮，多年來都是keep住染黑才打造出之前的Image：「呢個髮色係我由《金宵》之後開始留出嚟，我就將自己天生嘅髮色留番出嚟，嗰時都唔知效果係點。」可能就是因為這個決心轉變，造就了阿Bob凌烈這個角色。他又談到以往為了keep住黑髮Look，五 、六日便要染一次頭髮。
張彥博首度挑戰打戲
談到為演出身輕如燕的感覺而激減17磅，阿Bob笑言有「後遺」，並一度影響拍攝：「我出場嗰場戲係發生咗小插曲，因為嗰排戒澱水戒得太勁，冇乜力跑，監製叫我用啲力，我就只能拼盡全力、同埋搏埋個老命咁去跑；其實平時都有跑開，只不過嗰日狀態真係唔夠完美。」這次亦是阿Bob首度挑戰打戲，而在後續的劇情中，更會有大量大展身手機會，萬勿錯過。
港生活人氣娛樂新聞
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
↓【招募試食員🐱】送Harlow Blend全新貓糧系列！↓
