MIRROR成員Jeremy涉抄歌風波後首現身 親自回應下架原版原因否認抄襲
男團MIRROR成員Jeremy（李駿傑）最近推出solo新歌《Tie Me Now》，卻被爆出疑似抄襲韓國男團Stray Kids過往推出的歌曲《Red Lights》。早前他亦在IG限時動態發文，強調沒有任何抄襲的意圖。早前更將歌曲下架，重新編曲後再發佈，日前他亦首度現身回應抄歌風波。
Jeremy抄歌風波後首現身
Jeremy最近推出solo新歌《Tie Me Now》，被指與韓國男團Stray Kids的歌曲《Red Lights》超過九成相似，涉嫌抄襲。日前Jeremy出席活動時亦首度現身回應，他表示自己是K-POP迷，亦有聽過《Red Lights》，但就強調自己沒有任何抄襲的意圖：「我有聽過唔代表要抄佢，作為一藝人抄襲係好大件事，自己係唔允許發生呢件事。」
下架原版重新編曲再發佈
Jeremy亦指當風波發生後，有立即與團隊討論之後的處理，並決定重新編曲推出全新的INTENSE VERSION：「「因為我都好想坦然咁面對自己音樂、自己的舞台，想做一個更好的表演，因為唔想以後喺舞台表演呢隻歌會有啲遲疑，唔想呢件事發生，想每次表演都做到100%比大家，我寧願出新version，讓大家feel到呢首歌嘅力量。」
Jeremy承認有責任
被問到起初有沒有認為《Tie Me Now》與《Red Lights》相似時，他就表示：「因為有好多唔同種類嘅歌都有特定元素係入面，可能又聽咗好多唔同嘅歌，自己聽完之後未有意識相似」但他亦承認自己有責任「大家都經歷呢件事，就算有責任我都有呢個責任，我願意去承擔呢個責任，而我哋呢個團隊係想做好音樂。」
港生活人氣娛樂新聞
【送禮🎁】送Esther Bunny春日好物🐰！
↓ 登記免費帶走可愛折疊傘 x 保溫杯 ↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
