張紋嘉大呻做HotCha慘況！試過月入得幾千要靠父養！入行即簽十年約：合約harsh無底薪
張紋嘉（Crystal）是前女團HotCha成員，出道時與Neway簽下10年合約，直到2017年才約滿轉當演員。早前張紋嘉接受電台節目《星光背後》專訪，罕有談及入行後心路歷程，大爆當年出道時「合約harsh無底薪」，試過月入只有幾千蚊，要靠父親經濟支持？
一入行就要簽十年約？合約harsh仲要無底薪....
現年39歲的張紋嘉，指自己當年由理大語言傳播系畢業，原本想成為新聞主播，卻因參加校園舞蹈活動而誤打誤撞踏入娛樂圈。大學畢業後，張紋嘉很快被Neway星探「睇中」簽約成為旗下藝人，與張惠雅（Regen）與黎美言（Winkie）组成女子組合HotCha，卻沒想到面臨的是「合約harsh無底薪」，付出和收入長期不成正比，自爆曾一度要靠父親養...
當時令張紋嘉最困惑的是，「點解我日日都返工，咁辛苦做嘢，都好似無回報咁」。她大爆現在自己已經不敢再簽長約，「好老實，幾年前都有公司approach我，但我真係好驚！」
HotCha解散先識到現任男友
當年HotCha憑青春跳唱風格走紅，剛出道已吸引了不少粉絲，可惜在2014年宣布拆夥解散。節目中，張紋嘉承認當時組合已無得做，但亦令她有空檔接觸舞台劇，間接認識了劇場演員林子傑（Ronald），二人在2015年認識，交往至今。
張紋嘉透露，原來林子傑追求了一年多，才打動伊人芳心，「最初鍾意佢幽默，講嘢直接，唔會有包裝令我好有安全感。最初想諗吓先開始，因為之前啲關係我好易『瞓身』，唔想再受傷害，但係佢好細貼心，嗰陣佢未有車，會問佢老豆借架車送我返屋企，再還返架車畀家人，我住好遠，係畀佢的細心同安全感打動。」
張紋嘉孖住男友拍劇拍真人騷
早前張紋嘉與拍拖9年的男友林子傑夥拍男友合演劇集《弊傢伙！我要去祓魔》大獲好評，此外，他們亦一同參加ViuTV真人騷《調較你男友》，反應出乎意料地熱烈，令不少觀眾感動於兩人真摯的互動與支持。張紋嘉坦言沒想過節目會反應這麼好，「首先，當時疫情，大家無晒嘢做去試吓真人騷；其次，亦覺得關係穩定了，唔介意公開」。
至於節目中，林子傑曾說因「女尊男卑」的地位讓他感到自卑，問Crystal事前知不知情，「佢無同我講，但我感覺到佢有呢個心結，會認為收入上或名聲上唔及我。但這是他的課題，我做唔到啲乜，只能畀佢感覺我想法唔係咁。但而家唔係啦，而家個個都識佢啦，搵佢影相多過搵我。」笑言她選中的男友是屬於會升值的藍籌股，Crystal笑說：「咁就好啦，承你貴言，哈！」
發新歌談「情感斷捨離」不是為情傷？
今年是張紋嘉入行第18年，最近自資推出的新歌《情感斷捨離》，事業愛情兩得意卻推出慘情歌，原來是因爲Crystal要斷捨離的情感，不單是過往情傷，還包括組HotCha入行簽約十年，付出和收入長期不成正比令她困惑；曾愧對家人的傷痛等。
來源：雷霆881商業一台《星光背後》、IG@quicheung
港生活人氣本地熱話
↓【限時搶⚡】Dermeze得美滋無皂清潔沐浴乳↓
↓修復、補濕滋潤、鎖水保水｜遠離乾燥和粗糙↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
