41歲女藝人移英後與老公當街吵大鑊 被狂數三大罪行：俾佢出去玩！
現年41歲的藝人吳日言，於2016年與圈外男友Barry結婚，育有大女Beatrice、二子Zayden及小兒子，一家五口去年已移居在英國數個月，展開新生活。不過她日前在社交平台自爆移英後，曾與老公當街吵大鑊 ，更被老公指控婚後三大罪行，而她竟然選擇放手，更揚言：俾佢出去玩！
吳日言與老公當街吵架
吳日言一家五口在去年移居英國，而她亦不時會在社交平台分享近況，日前她就突然有感而發，表示最近留意到一些娛樂圈內的悲劇婚姻報道，大爆自己亦曾與老公當街吵架：「朋友早就同我講：「兩公婆去外地生活，拗撬爆燈㗎，因為朝夕相對，你真係會見到對方嘅隱藏功能 。🥶結果 ……初到步英國時，我同老公已經喺市中心街頭上鬧大交 ，兩個人在大街度對峙十幾分鐘。🙈」
被投訴數三大罪行
而她又再表示曾被老公投訴：「其實夫妻鬧交好正常，尤其係生咗細路之後，老公大多數都會呻以下幾樣：📌 「生仔之後，你完全變咗人！」📌 「整日鬧我砌模型、儲波鞋、打波！」📌 「而家對我冇以前咁溫柔喇！」」但吳日言認為生小朋友後改變是無可避免的事：「老婆們都想好似以前咁，想食就食、想買就買。做返當年屋企個小公主。只可惜當年嗰件小背心，我哋都已經着唔返啦！」
吳日言選擇放手：俾佢出去玩！
其後她又分享與老公的相處之道，學會放手給予對方有自己的時間：「我同老公由拍拖到而家已經25年，我同佢嘅相處之道就係……俾佢出去玩！不過……我一定會黑面。👿最重要係，佢要識得返嚟氹返我。💋兩個人床頭打交，床尾又生多一件，鬧下鬧下咁就幾十年，祝各位家庭相親相愛。」
來源：IG@吳日言
港生活人氣娛樂新聞
全新功能《U GO》強勢登場🎉！
立即探索🔍本地熱門活動📍好去處🔔食買玩情報
↓【招募試食員🐱】送Harlow Blend全新貓糧系列！↓
