楊丞琳香港演唱會2025｜楊丞琳講廣東話向粉絲打招呼 苦練廣東歌：我係廣東人
闊別七年，楊丞琳日前（5月4日）於香港亞洲國際博覽館 Arena舉行「LIKE A STAR」世界巡迴演唱會 香港站，全場爆滿，氣氛非常熱鬧！不少圈中好友如劉德華、容祖兒、Twins、張栢芝、王祖藍、李亞男夫婦等送上花籃祝賀，陳妍希更驚喜現身捧場！
開場時楊丞琳勁歌熱舞大唱《BAD LADY》，瞬間將全場氣氛炒熱，用廣東話向Fans打招呼：「香港嘅朋友有冇掛住我？好耐冇見！係咪好多人係其他地方飛嚟？我好掛住你哋。」佢仲搞笑話今晚嘅性感造型喺香港fans嘅bonus！呢晚楊丞琳不時與台下樂迷互動，當聽到讚她靚時，她亦鬼馬話：「知道我唔似40歲，20歲呀嘛！講笑咋，隨着年紀嘅變化唱歌聲音都有改變，人生不同階段味道不一樣，今晚演唱會是彷彿重走自己青春一遍！」
全晚楊丞琳演唱近四十多首歌曲，更不時向fans派心、飛吻，樂迷亦非常受落齊齊大合唱，而舞台更是機關重重，舞台的大屏幕配合多重投影畫面與特效，令觀眾睇得更投入，據悉楊丞琳呢次豪花數百萬將演唱會重置現香港。
香港站演唱會楊丞琳不時換衫上台，不乏「Deep V」晚裝，「女人味」令觀眾眼前一亮！為香港樂迷幸福，楊丞琳亦大唱廣東話歌曲《我們都是這樣長大》、《越難越愛》、《俏郎君》，一度感觸落淚：「香港有好多工作人員睇住我成長，其中一位去年離開咗，以前係佢教我拼音，同埋教我唱廣東歌一定要標準。雖然我係廣東人，但係我嘅背景唔係成日講到，所以每次唱廣東歌都要下苦功，唔係意思就算！」
演唱會於晚上近11時45分完結，楊丞琳向fans表達謝意：「我也愛你們，但是如果要坐交通工具的朋友，我也知道你愛我，但回家也是很重要的，因為有你哋，我《像是一顆星星》！」今次演唱會完美落幕。
港生活人氣娛樂新聞
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
