提款咭入錢竟然無紀錄？港人無扔收據靠1招苦追銀行！網民湧入原來超多人中伏？

港人提款咭存錢竟然無紀錄？

該名港人於Threads發警世文，表示日前下班後打算交租，於是便經渣打銀行自助存款機入現金$12,000到其戶口，「我係用提款咭入食錢機，出晒收據收妥無問題嘅！」，形容整個流程如常進行。

樓主表示，自己平日都會把收據收妥，但很少會馬上查看帳戶，他直言「平時拖到有心情先上網check，今次突然心血來潮食完飯即check，先知唔對路」。當日晚上，樓主突然心血來潮上網查看帳戶餘額，卻未見其入數紀錄，於是他馬上致電涉事銀行客服查詢，聽完對方的回覆頓時冒汗三尺...

▼即睇樓主與銀行客服對話▼

+5

+4

點擊圖片放大

存款不翼而飛？銀行：無任何插卡存款紀錄

樓主發現存款失蹤後，向涉事銀行查詢竟獲告知「無任何插卡存款紀錄」，而且「所有戶口都無存款紀錄」。樓主無奈道：「重點我收據有晒戶口號碼，櫃員機編號，收咗幾多現金，寫明收妥，收錢日期時間都有晒！咁都可以無紀錄？咁大間銀行咩料呀？」

一宗離奇事件揭開銀行漏洞？樓主：唔好信晒銀行

經歷今次事件，樓主對銀行系統表示極度不滿：「咁大間銀行咩料呀？真心真係唔好信晒銀行！」，他直言自己原本對金融機構有基本信任，但今次事件令他徹底打破幻想，「東張就睇得多，我無諗過發生喺我身上囉！」

同時，他也提醒大家交易後要好好查看帳戶，「真係要自己睇清楚，千祈唔好懶！真係唔好旨意銀行100%無錯」，又指自己現在要等待銀行內部調查，足足要7個工作天才能知道結果，「我比時間渣打處理，佢叫我耐心等候回覆7個工作日，還我血汗錢！如果佢再拖我，我真係報東張！」。

網民回應爆炸：呢鑊真係要報東張！

事件引起大量網民共鳴，不少人對樓主的遭遇表示震驚，「好彩你有keep收據，依家有憑有據應該可以追得返」、「慘呀好恐怖呀我以後會小心，希望你攞得返啲錢」、「呢鑊真係要報東張」。有網民強烈建議，與銀行客服通話時必須自行錄音，「強烈建議打去渣打時要自己電話錄音，保障自己，因為佢地記錄投訴內容係錯嘅！」亦有網友表示：「落分行冇用，打去投訴熱線，最緊要係錄音！」

▼網友留言▼

+5

+4

點擊圖片放大

樓主更新狀況：終於入數

日前樓主再發帖更新狀況，經過多番投訴與追問，「不停打電話去追去鬧做個癲婆」，他在（13日）終於見到帳戶上出現應有的存款紀錄，成功追回失蹤的$12,000。他語有感慨道：「我真係無諗過會變成咁！銀行cut人、電子化，但系統又唔先進，出事就要客戶承擔，成件事係心靈折磨！」

銀行僅4字回覆？真相仍未有交代...

同時，樓主認為銀行處理手法極不負責任，直言整個過程只換來客服不斷講「唔好意思」，試圖平息事件，甚至勸說不要投訴，但他認為遇上這種情況時一定要據理力爭，「唔好比佢得過且過，必須作出投訴拎埋『投訴號碼』保障自己！」。對此，他正式要求涉事銀行提供書面回覆，「解釋點解會發生咁離譜嘅事」。

苦主不只一個？網民分享同樣經歷

樓主在IG亦收到其他苦主私訊，有人早一日發生同樣問題，入咗$10,600至今仲未追回，銀行仍然要求對方「等7日」，沒有明確交代或處理進度。不少人留言表示曾經歷過類似情況，指出渣打銀行的提款機或App交易早已存在不少漏洞，更有苦主留言指「我屋企人早排都係入左9000冇左，明明有哂記錄但都搞左勁耐先搵到」。

▼大批苦主湧入留言▼

+4

+3

點擊圖片放大

來源：Threads

港人用銀行ATM入錢現金「不翼而飛」

事實上，早前渣打銀行亦發生了同類事件，有市民透過社交平台表示（5月7日）上午9時45分，在渣打銀行皇后大道西分行使用存款機存入款項後，查看網上銀行竟發現未有顯示該筆交易。由於平日為環保考量沒有列印收據的習慣，導致索償時缺乏憑證。他表示：「之後我去櫃檯處理，旁邊counter（櫃檯）的uncle也在查詢前幾日存入$15000現金不翼而飛。」

他續指：「機器問題不是重點，重點是前幾日已經出問題為甚麼今日還可以讓客人使用存款機？」指當日離開該行再去其後銀行後折返，發現該部有問題的存款機仍在運作，直至他向大堂職員反映後，機器才被貼上「等待維修」標示。銀行櫃檯人員最終告知，退款程序需時約兩星期。

網民分享同類經歷建議保存收據

事件引發網民關注，有人留言分享，指上月曾在某分行ATM提款時，亦遭遇類似情況，指當時機器僅顯示「線路繁忙」，「錢冇出到，連收據都印唔出」，透過電話及網上銀行均未能解決問題，最終需親赴分行投訴，銀行才調閱閉路電視畫面確認事件並取回款項。

對於有關機器異常的情況，有市民分享自身經驗直言：「環保係好，不過入錢攞錢呢啲咁重要嘅嘢，我一定攞收據」、「通常我會即刻打簿，有記錄先掉（丟）收據」；亦有人建議「超過二千蚊我實keep（保留）張單幾日」。

點擊圖片放大

渣打銀行回應事件

《港生活》已向渣打銀行作出查詢，並獲回覆指該行早前收到個別客戶有關分行存款機的查詢，已即時作出跟進。同時強調，該行定期檢查各自助銀行服務，包括自動櫃員機、現金及支票存款機及現金存款機，確保運作暢順。

延伸閱讀：港人用銀行ATM存款現金「不翼而飛」銀行回應事件