無業細妹暫住變賴死唔走 一住住足20年零貢獻？知家姐想賣樓竟威脅要咁做...
兄弟姐妹關係處理得好的是「血濃於水」，處理得不好分分鐘關係走向破裂！近日有港女網上發文分享家庭事，事源妹妹長年無業住其單位20年，分文不出之餘更「賴死唔走」，每當提及賣樓便以「跳樓」自殺作威脅，令她束手無策。不少網民同情其遭遇，紛紛斥責妹妹行為離譜，直言「人無恥則無敵」；但也有網民認為港女「為左磚頭」六親不認，分明是推妹妹去死，「你良心過得去？」
白住20年零貢獻 呀妹賴死唔走仲咁做...
該名女網民於討論區發文大吐苦水，指自己名下居屋已經供斷，她亦在結婚後搬離，把單位留作媽媽養老用。由於妹妹長期失業，樓主出於好心便「被佢入嚟住」，起初以為妹妹只是暫住一下，沒想到一住已經是20年，期間沒有未曾繳交租金，也沒有任何經濟貢獻。
早前樓主計劃出售居屋單位，另覓住所以方便照顧年邁母親時，這時候才發現妹妹根本不打算搬走...
▼事件經過▼
得知家姐想賣樓 呀妹即以自殺作威脅
樓主透露只要妹妹稍有不滿，便會把事情放上網公審，「我唔知佢真神定假神，有時有也得罪佢，就會將所有post上Facebook、Instagram公審我，還會post我的地址電話岀來」，讓人不勝其擾。
每當樓主提到自己打算出售單位時，「換一間近我哋方便照顧呀媽」，妹妹更會以「同你同歸於盡，要跳樓」作為威脅。沒想到一時好心收留妹妹，卻會釀成大錯，她徬徨無奈道：「我真係唔知可以點...點樣攞番間屋？」
【原帖文】
網民一面倒鬧爆：人無恥則無敵
事件曝光後引起網民熱議，不少人對妹妹行徑大感震驚，認為樓主作為家姐已經是仁至義盡，「血濃於水，水魚個水」。有網友則點出事件背後的法律層面，質疑單位實際持有人是誰，「間居屋喺邊個持有，字裡行間樓主是業主，阿媽有冇名，細妹有冇名？」。此外，有網民認為「99%你媽媽竉到佢咁」，又指請客容易送客難，「你試吓玩逐客令，應該你媽媽第一個出嚟阻止」。
▼網民點睇▼
部分網友狠批六親不認：你心安樂咩
不過，留言中亦出現另一派聲音，部分網友狠批樓主「為左磚頭，六親不認」，紛紛留言「自己妹嚟㗎！咁樣趕佢走，瞓街你心安樂咩」、「唔好當佢冇貢獻，你呀妹與呀媽同住的，反而你係搬左出去，你出錢佢出力（照顧呀媽），可能已照顧20年了」。
▼網民留言▼
居屋背景曝光！樓主：前世欠佢咩？
樓主留言補充稱，指原先公屋單位為祖母持有，媽媽和妹妹早已除名搬到內地居地。由於單位無人居住需要交還房署，為了有瓦遮頭，當時祖母才想到公屋換居屋，樓主「死慳死抵」才把供款還清，因此母親和妹妹名字並未登記在業權之內。
至於外界質疑母親是否由妹妹照顧，樓主強調事實相反，「我呀媽仲好精神，佢反而（要）照顧佢，佢淨係屋企...呀媽要買早餐，午餐俾佢，你話邊個照顧邊個」。同時，樓主表示自己現時精神壓力已到臨界點，「我一有小小錯話下佢，就好似前世殺咗佢咁，不斷係度WhatsApp，打電話鬧我，我俾佢住，仲唔識感恩，仲要不斷騷擾我，仲話去公司攪我」。長此下去，她擔心自己遲早會變抑鬱，「我都冇趕佢走，佢都咁～～～唉～～真係前世欠佢」。
網民教路咁做收樓...
網民同情樓主遭遇，並紛紛提出提出收回單位的各式方案，有人建議以「經濟斷援」方式迫使對方離開；也有網民認為，若單位由樓主全權持有，而妹妹又未有登記為業主，在技術上是可以直接更換門鎖，「約佢出黎飲茶，背後搵人換左把鎖佢，幫佢執行李」。
但有留言認為樓主走法律途徑的贏面不大，「基本上樓主已經失去了這個單位，只可以用軟的方法請她走」，又指出妹妹在單位白食白住了20年，妹妹上到法庭時可以直接申請逆權侵佔。
▼網民教路收樓方法▼
來源：香港討論區
港生活人氣本地熱話
【請您試用】敏感肌美白推薦面膜！
天然漢方溫和美白！位元堂珍珠美顏面膜粉～
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
