港人怒斥00後唔識職場禮儀！力數3大問題半數人過唔到試用期！曾咁做令成個部門被投訴...

文: 劉澄儀

19小時前

近日，有港人在社交平台上怒斥00後同事不懂職場禮儀，指自己公司近日聘請了數名新同事，但均發現3大問題。他們不單在總經理「過嚟睇場」時，當面玩手機「上IG」，被總經理笑指「你好得閒咩？」，仍態度高傲地反駁「個post本身無寫」，最後更因1事令成個部門被投訴。帖文引來大批網民討論，有網民指「00後係蠢在唔知條底線係邊」，即睇下文了解事件詳情！

港人怒斥00後唔識職場禮儀

近日，1名港人在連登討論區上以「00後唔識職場禮儀係因為咩事」為題發文，分享自己公司請了數名00後同事，但都發現三個問題︰「自我中心」、「駁嘴」和「懶（讕）醒」。

樓主憶述有一次公司總經理「過嚟睇場」，其中一名00後同事竟然在其面前「上IG」，被總經理「笑笑口問佢你好得閒咩？啲嘢上手未呀？」該同事則態度高傲地回答「xxx同事無比野佢做，我唔做xxx yyy zzz架，個post本身無寫。」

樓主對此表示「講緊果啲嘢係每個人都要做，輕鬆影印/填form果啲」，後來這些新來的同事「先後都被炒」，更一半人沒有通過試用期，樓主質問「真係有咩原因搞到佢（00後）咁」。

00後同事咁做令成個部門被投訴！

樓主留言補充第二個事件，指自己要求00後同事完成工作後需要電郵給不同部門的同事，怎料對方竟然「直接whatsapp 比（同事）A 叫佢比埋（同事）B、C睇」，當時同事A「見到就當無咗回事，諗住陰X00後個部門」。

最後部門主管「收到投訴話成個部門交漏野」，調查後發現是該名00後沒有發電郵，於是便追問其為何這樣做，00後同事對此表示「whatsapp咪得囉，唔想哂（浪費）時間搵人哋email。」。

網民分享自己經歷...

帖文引來大批網民討論，有網民「吐苦水」指「我公司請左個35K既（00後），有野要搵佢3日打左6、7次比佢都無聽，其他人聽左話佢講緊電話，留電話比佢唔覆」、「朋友果到請左個00後fg做下簡單admin，第一日就問有無車位」、「我做IT，同事都轉得幾快，唔知點解00後好似多啲要踢先肯行既感覺。」和「lunch hour 12-2，有個00後日日用突3點先返去咗做秘撈補習，仲要比公司啲師奶知。」。

點擊圖片放大

網民︰00後係蠢在唔知條底線係邊...

另有網民解釋00後只是缺乏社會經驗，指「零零後唔係原罪，係佢地冇咩社會經驗」，不過亦有人認同樓主，指00後嬌生慣養，「篩選左啲精英中嘅精英」、「無責任感依下真係搞唔掂」、「呢啲係佢地選擇, 自得承受後果」、「00後係蠢在唔知條底線係邊，唔知點玩個遊戲先保到份工又HEA+做小更多野...」和「搵email都咁辛苦咁難為佢」。