姚子羚學做點心慘遭連番狠批 眼泛淚光直認挫敗：唔知自己做乜咁

姚子羚體驗點心師傅四大辛苦位

姚子羚提前一天抵達打工現場，跟曾師傅學整燒賣及炸鳳爪等，翌日又要晨咁早凌晨四點多抵達點心工場，準備腸粉、蝦餃蒸排骨、山竹牛肉及煎堆等大量點心，相當忙碌！

+2

點擊圖片放大

點心師傅甫與子羚碰面，便與子羚約法三章，指出點心師傅四大辛苦位：「又要早起身、又要夠力、又污糟邋遢、又濕手濕腳架喎。」又搞笑恐嚇子羚謂：「最緊要記憶力，講兩次我就要問候你。」

+3

+2

點擊圖片放大

姚子羚學做點心遭連番狠批

第二日為食店正式營業前作最後衝刺時，曾師傅成了「訓話大師」：「快少少，好多客坐咗喺度架，唔好亂嚟呀」、「呢個我唔收貨」、「我睇到你我忟呀」、「呢啲你（整）架？我都唔識講呀真係」；受到猛烈抨擊的子羚，只能搞笑地多番露出「慘豬樣」，兼全程睇住師傅面色做人。

+3

+2

點擊圖片放大

其中學整蝦餃皮時，子羚整了一大堆後依然不合格，令曾師傅發晒忟憎及勒令子羚休息：「你休息一陣先，你不停咁喺度整，係做唔到好嘢出嚟，不斷盲目去整冇意思架。」

+2

點擊圖片放大

眼泛淚光直認挫敗

雖然曾師傅算是好聲好氣，但子羚被訓話時全程明顯扁嘴兼眼濕濕，事後子羚直認很挫敗：「你會覺得點解我連一隻完整嘅蝦餃都包唔到，師傅叫我去抖吓，其實我唔係好想去抖，我覺得個感覺有啲似我拍劇，會愈拍愈有Energy，一停咗落嚟，就會唔知自己做乜咁。」

+5

+4

點擊圖片放大

不過子羚很快便重拾鬥志埋首工作，結果成功翻盤獲師傅讚賞：「第一次做，我講真我都做唔到咁靚」。