朱敏瀚入行15年自揭對無綫從沒異心 年少17歲加入TVB只打過一份工
TVB綜藝節目《一日打工限定》，搵來15位藝人體驗不同行業工作的辛酸。日前一集由朱敏瀚（朱仔）從事一日粉麵師傅。為了跟足流程，朱仔凌晨五點天未光已抵達手打魚旦粉麵檔廚房重地，並在店主Roger帶領下學習起魚肉、打魚漿、唧魚旦及炸魚片等。
朱敏瀚17歲加入TVB
聲稱自己是處男劏魚的朱仔，全程姐手姐腳，起出來的魚肉「一岩一窟」之餘，炸魚片時又不慎被彈出來的油辣親，朱仔學師期間亦忍不住嘆氣笑謂：「師傅，講好易，做好難，唔係大力就得，係要有技巧！」從來沒有嘗試過藝人以外工作的朱仔，自責自己不知所謂：「我17歲就入咗TVB，今日係我第一日打唔係TVB嘅工，我畀自己4分。」
學做粉麵師傅錯漏百出
完成備料工作後，朱仔移師店舖學習樓面工作，雖然技巧要求看似「冇咁高」，但朱仔似乎反而更混亂，單是簡單的出Order工作已錯漏百出，不是經常落漏粉麵料，又經常搞錯堂食定外賣；加上親眼目擊如山泥傾瀉般狂出的order單，令朱仔不斷搖頭感嘆：「我Load緊一碗時，真係Load唔切去搞第二碗。我一定唔做食肆，做食肆啲人都係癡線，我希望我今日冇阻礙到佢哋。」最後朱仔感嘆以後要更尊重食物。
港生活人氣娛樂新聞
全新功能《U GO》強勢登場🎉！
立即探索🔍本地熱門活動📍好去處🔔食買玩情報
↓【限時搶⚡】勁送Neoflam不鏽鋼食物保鮮盒↓
↓密封防漏及分隔式設計｜耐用又環保 ↓
