刑偵12｜吳業坤演張振朗次人格獲讚演技躍進 婚後三喜臨門宣布殺入空手道港隊

吳業坤被指婚後顏值Level Up

飾演張振朗次人格「阿賢」的吳業坤，在造型及演技上亦同樣吸獲大量好評。對於坤哥換了長髮造型、及以西裝上陣演繹溫柔又知情的阿賢，大部份網民極為受落，並大讚坤哥很多場口中的眼神溫柔得嚟又熾熱，演技亦絕對沒有被視帝張振朗蓋過，更有網民笑指坤哥結了婚後更加有型靚仔！

+3

+2

點擊圖片放大

網民：「坤哥今次演出令人眼前一亮，角色有發揮」、「最斯文靚仔又分析力強的角色，做得好好」、「演戲有潛質，不要放棄」、「今齣勁靚仔，西裝好型」、「成熟咗、Man 咗」、「嘩！結咗婚後靚仔咗咁多」。

+2

點擊圖片放大

臨時獲加喊戲依然揮灑自如

坤哥是次角色絕對是演技大考驗，除了扮演「似有還無」的次人格，還要扮演刑凱（張振朗飾）智慧與感性兼備的幕後軍師，二人雖然在多方面均抱對立立場，但由於是由同一個人分裂出來，故亦有不少同步場面，絕對考驗二人默契。

+2

點擊圖片放大

據知，在第一集目擊曾嘉儀母親（吳香倫飾）被撞場口，感性的阿賢淚如雨下哭個不停，據巢導透露，該場喊戲其實是臨場才決定要加，但坤哥依然能在事前毫無心理準備的情況下順利完成使命，演技躍進度可想而知。

+2

點擊圖片放大

吳業坤驚爆入選香港空手道代表隊

2020年加入學習空手道的坤哥，去年開始已積極參加不同比賽累積經驗，並曾於「第十五屆全國運動會」香港運動員代表選拔賽獲得第四名。昨日，坤哥於社交平台分享指入選了香港空手道初級代表隊，並首度代表港隊出戰於烏茲別克斯坦舉行的亞洲空手道錦標賽（AKF）選拔賽，並笑言於30+年紀加入港隊算是理想實現，坤哥留言：「有一日問師傅：『你估我三字頭仲有冇機會可以入到港隊呢？』除咗考黑帶，我哋亦都向着呢個目標進發。」

+2

點擊圖片放大

他續指為了多點參加比賽汲取經驗，更曾膽粗粗參加了+84 個人男子組選拔：「好彩地畀我合符咗資格，雖然明知自己嘅水平未夠，而大家都話呢個級別好有可能會受傷。但如果唔去，唔知仲有冇機會可以代表香港出賽。」專誠請假9日出賽的坤哥，又謂比賽過後更感覺到自己的渺小：「雖然輸了但嗰種痛快是無可取代的，一日仲郁得我都會練得再好啲、下次再打得好啲，估唔到我都可以講一聲：『我係香港運動員』。」