刑偵12｜袁偉豪驚喜客串晒頹喪演技 穿越《反黑英雄》獲網民大讚
TVB新劇《刑偵12》日前一集講到丁洛風（林保怡飾）及刑凱（張振朗飾）調查連環殺人案，竟發現與毒販三巨頭有合作關係的陳祖耀（袁偉豪飾），正正是「新七宗罪案件」的第一名被殺者。去年重頭劇《反黑英雄》大奸角陳祖耀「無預警」降臨《刑偵12》第六集、絕對是劇集開播以來最大驚喜，亦令「77宇宙」再度成形、在網絡引發熱話！
袁偉豪驚喜客串《刑偵12》
由於袁偉豪是次驚喜客串最初只以「照片形式」亮相，不少網民都覺得他未必會大費周章現真身；但當結尾情節袁偉豪坐著輪椅亮相，先是以自嘲般的冷笑向黑衣人張松枝及陳嘉輝說：「個天對你最大嘅懲罰，唔係要死，而係生不如死」，之後再眼泛淚光地向天怒吼：「我犯過嘅罪，死十次都唔夠，所以唔該你，要殺嘅話，將我碎屍萬段，死無全屍！」
袁偉豪演技獲得肯定
最終陳祖耀得償所願被殘酷地推落樓殺死兼肢解，袁偉豪亦將陳祖耀臨斷氣前的無力狀態演繹得淋漓盡致，「生無可戀」的眼神配以頹喪不受控的肢體擺位，均令人留下深刻印象；加上由於角色癱掉，袁偉豪全程只能以眼神交戲，演技因而再度獲得肯定。
袁偉豪長髮回歸暗藏玄機？！
而袁偉豪是次以「長髮Look」回歸客串亦是別有用心，就此巢導受訪時說：「因為個時空係喺陳祖耀被捕後嘅半年後發生，所以呢個髮型嘅長度係啱啱好。」巢導又特別感謝袁偉豪為了客串場口，百無禁忌兼不怕舟車勞頓：「好記得嗰日係農曆7月14日，袁偉豪唔單止百無禁忌，仲要特登搭三、四個鐘頭車（即來回車程約7小時左右），去呢間咁荒廢嘅地方度拍咗呢場戲，真係好感謝佢。」
港生活人氣娛樂新聞
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
