19歲女瘋狂追求巴士車長後續！鼓起勇氣主動向車長示愛！車長最終咁做 網民︰無妄之災！
《東張西望》近日報導一則有關巴士車長（Alex）被巴士迷瘋狂追求的事件，該名巴士迷不但偷拍，更踏單車追車令Alex感到非常滋擾，事後更因一事而報警求助，直言「呢個人好奇怪。」。《東張西望》節目組亦主動訪問該名女巴士迷竟獲這樣的回覆？事件引來大批網民討論，有人同情車長指「車長認真夠慘」，即睇下文了解事件詳情！
巴士車長被巴士迷瘋狂追求
Alex在去年入職三個月後認識一名女巴士迷，怎料是噩夢的開始，他憶述「乘客上緊車嘅時候，佢就會企喺巴士車頭望住我，試過幾次喺中途站見到佢，佢都用相機影我，又會喺度傻笑望住我。」，更因此令自己分心影響駕駛，擔心發生意外。
Alex遭女巴士迷偷拍
Alex向《東張西望》提供多條片段，片中可見該名女巴士迷多次在巴士站徘徊，似乎正在等待Alex出現。Alex表示自己一開始只當她是普通乘客，雖然她經常在巴士站出現，但並不會跟蹤Alex。
怎料該名女巴士迷乘搭Alex駕駛的巴士後，就開始「係咁影我大頭相、又拍片。就算我唔係揸呢條線，佢都會喺其他站影我相，如果我去食飯，佢都會喺餐廳外面兜圈望我。」。
Alex曾與該名女巴士迷對質，女巴士迷則表示想和他成為朋友，Alex直言自己當時已拒絕對方的交友邀請，形容「呢個人（女巴士迷）好奇怪。」。
女巴士迷單車追車極驚險！
《東張西望》節目組到現場直擊，發現該名女巴士迷會在巴士站徘徊，除了為巴士拍照，更會等待Alex出現，在Alex到便利店買東西時，她也會跟隨Alex在店外等候。
另一日，《東張西望》更拍到該名女巴士迷騎單車跟在Alex所駕駛的巴士後方。Alex表示「我當時喺倒後鏡見到佢，佢同我巴士喺等兩三個身位，佢仲要好似好開心，但其實佢嘅行為係嚴重影響到我哋揸車。」
Alex個人資料遭起底兼公開！
Alex續指，該名女巴士迷與某位車長關係較為熟絡，有次在該名車長回到總站後，她便立即上車與該車長聊天，令車長忘記協助輪椅乘客下車，令車長被投訴。
更令Alex感到過份的是該名女巴士迷竟然在社交平台公開他的個人資料包括︰姓名、肖像、出生日期、住址及家庭狀況，Alex備案後亦警告對方，同時向公司求助但不果，最終決定報警。
大律師咁回應...
陸偉雄大律師表示該名女巴士迷可能已經犯法，指出任何有機會破壞社會安寧的行為，已干犯公眾地方行為不檢罪，最高刑罰可被罰款$5,000和入獄一年。如果女巴士迷持續追巴士或滋擾車長，可能觸犯遊蕩罪，若令巴士車長感到安全或利益受影響，最高可被判監兩年。
陸偉雄大律師又指「起底」在法律上有兩級罪行，第一級為任何人意圖「起底」令到別人受到一些指明傷害，可被罰款$100,000及監禁2年。而第二級為實質上令人有實際的影響，最高可被罰款$1,000,000及監禁5年。
女巴士迷咁答覆...
《東張西望》節目組亦主動訪問該名女巴士迷，她指自己一年級就成為巴士迷，現時19歲，因一次入鏡事件被巴士迷群組排斥，指「話我影響咗佢哋構圖，跟住佢地集體鬧我。」，被問到在巴士站是否想見Alex時，她回應指「唔關事，我跟42（巴士）多啲。」。
《東張西望》主持再問該名女巴士迷，「你點樣騷擾車長啊？」，女巴士迷指「我係咁望住佢，因為我想同佢做朋友，覺得佢好睇囉個樣。」，被問及是否喜歡Alex時，直言「不是」只是想和他做朋友，亦有反省自己的行為，並指當時自己公開Alex的個人資料純粹貪玩。
女巴士迷主動出擊向車長示愛
《東張西望》節目組數日後拍攝到該名女巴士迷在Alex休息期間主動與他搭話，Alex忍無可忍怒斥「你點解知道我咁多私人嘢啊！」，女巴士迷指「我估㗎」，Alex再質問「估得咁準？你又知我岩岩做滿1年？」，女巴士迷沒有回答。
期後Alex再表明「唔好再跟住我！」，女巴士迷突指「你解封我先啦」，Alex反問「點解要解封你啊？我唔想同你做朋友。」，女巴士迷這時突然表白「其實我鍾意咗你。」，令Alex更加氣憤「關我X事啊」，並狠狠拒絕「我對你無好感啊！」。
《東張西望》節目組最後讓女巴士迷和Alex道歉，指自己不會再盯著Alex和公開其的個人資料，表示非常後悔，可惜Alex仍不願接受她的道歉「其實佢都幾無誠意，佢仲係度嘻皮笑臉。」，女巴士迷再次道歉，雖然較上次更有誠意，但Alex直言不會接受，表示「總之你以後唔好再做你之前做啲嘢，我真係會報警」。
九巴咁回覆...
《東張西望》就事件向九巴查詢，獲回覆指有關車長現已離職，不便評論事件，重申任何人都不可妨礙巴士車務運作。
網民︰好恐怖仲起人底
事件引來大批網民討論，不少人鬧爆女巴士迷的行為，指「鍾意人冇錯，冇罪嘅，不過方式令人唔舒服啫」、「po人相、資料上網就未免太癲...」、「車長認真夠慘，無啦啦就咁樣俾人keep住跟蹤」、「真係痴線，踩架單車去追巴士，一陣唔小心捲左入車底就係咁先」、「好恐怖仲起人底」和「就算佢靚女都唔得啦」。
來源︰東張西望
港生活人氣本地熱話
【☀️大派海洋公園水上樂園門票💦】
⬇ 立即登記拎飛 ⬇
【社群送禮🎁】大派15,000個Namco遊戲代幣及Chiikawa精品🎮！
⬇ 簡單留言即有機會免費暢玩Namco⬇
