女神配對計劃｜「翻版林敏驄」騎呢對答片吸過百萬點擊 答非所問連林盛斌Bob都招架不住

《女神配對計劃》播出時間

全新戀愛綜藝真人騷《女神配對計劃》，將於本周日（8日）晚正式首播，由有「金牌媒人」之稱的林盛斌（Bob），與「星級花生團」攜手為無綫五大女神（排名不分先後）梁敏巧（Maggie）、葉蒨文（Sophie）、李芷晴（Stephanie）、關嘉敏（Carman），及羅毓儀（Yuki）公開招親搵男友。

林盛斌上載精彩片狂吸過百萬點擊

《女神配對計劃花生搶先看》預熱中自稱「唔係好識講嘢」的參加王維燁，全程對答妙語連珠、瘋狂遊花園答咗等於冇答，連出名轉數快的節目主持林盛斌（阿Bob）甘拜下風之餘，亦令不少網民聲稱笑爆肚！阿Bob昨日將「再版林敏驄」的面試片段上載社交網，結果在短短不足20小時內，單是臉書已吸獲超過100萬views，近一千名網民留言大讚好笑，更有不少人畀維燁搞到連食飯或打機都不能集中精神、一味狂笑，相當誇張。

+3

+2

點擊圖片放大

「林敏驄+黎明混合體」

網民：「佢一定要入圍！好好笑，我喜歡」、「香港好多人都異地戀，一個柴灣，一個上水」、佢嗰種應答唔係講笑，想扮都扮唔到，佢係真心。嗰種好似答咗你又無答到啲咩嘅感覺」、「答非所問嘅最佳示範」、「完全滿足到我不開心的時候想快樂的時刻！」、「真係攞命～笑到窒息」、「黎明有接班人」、「太極高手」、「星爺D戲都度唔到這些對白」、「笑片有接班人」、「林敏驄有對手」。

梁敏巧：我想同佢瘋狂傾偈

至於阿Bob IG，亦吸引了大批藝人好友湧入留言，就連蔡卓妍及蔣家旻亦有留意節目，阿SA：「笑死我」、蔣家旻：「尋晚笑到我哩」、蕭正楠：「東莞廣州，結婚生BB一定係混血兒」；就連節目中其中兩位女神，亦忍不住留言湊熱鬧，並似乎對維燁情有獨鍾，葉蒨文：「其實咁守得秘密，呢啲做朋友一流」、梁敏巧：「可唔可以叫佢返嚟，我想同佢瘋狂傾偈」，當中梁敏巧的留言，已吸獲510 Likes，維燁受歡迎程度可見一班。

+3

+2

點擊圖片放大

蔡卓妍留言：笑死我

報稱現職音樂老師的維燁，被問到工作及月入時已喪遊花園，不過瘋狂程度遠遠不及「異地戀」及「髮型論」。先說異地戀，維燁談到初戀分手原因是因為異地戀，阿Bob聞言即隨口追問二人住處，維燁：「佢東芫咯，我廣州咯。」阿Bob：「咁異咩鬼地戀啫，同林敏驄傾緊偈咁。」

+5

+4

點擊圖片放大

之後阿Bob問維燁平時是否也會恤到個髮型咁「行」，維燁又再發功：「冇整過架。（瞓醒就咁樣？）係呀。（你轉一轉畀我哋睇吓，瞓醒可以咁樣？）髮線比較濃密吖嘛，其實你都有髮架，你唔留啫。」相當爆笑。