時昌迷你倉現兩骨灰龕！租客欠租3個月兼失聯？老闆最後咁處理惹熱議...
時昌迷你倉老闆時景恒日前在個人社交平台發文分享自己遇到「最誇張一次」的經歷，指自己在清倉時竟然發現「兩個骨灰盅」，而且涉事租客更已欠租3個月，亦「唔敢亂郁」，等待9個月後亦沒有人來認領，最後這樣處理獲網民大讚「好心有好報」，但也有網民擔心引糾紛，即睇下文了解事件詳情！
時昌迷你倉現兩骨灰龕
近日，時昌迷你倉老闆時景恒（Kevin Shee）在Threads上以發文，分享自己「做迷你倉咁耐，最誇張一次」的經歷，在清倉時竟然發現「兩個骨灰盅」。
雖然租客已拖租3個月，老闆表示「理論上可以即刻清」，「但見到骨灰，我哋唔敢亂郁，反而花9個月時間聯絡政府、搵租客、登報等」，期間「完全唔收租」，希望有人來認領。
可惜最後該租客也沒有回來，加上「政府幫唔到」，最後選擇「出錢幫佢哋海葬，連儀式都做齊，成件事用咗接近一萬蚊。」，更在文未指「放啲先人入迷你倉仲要唔交租」。
網民擔心引糾紛：人哋冇打算海葬點算？
有網民質問「你咁亂將人海葬，貌似又講唔通喔，人哋冇打算海葬點算？可以反咬你喔。」又指「倉庫方無權擅自處理他人骨灰，極易引發嚴重糾紛甚至訴訟」，時景恒回覆指「合同上只要冇交租，所有物件係destroy ，佢簽咗名，即係同意咗。」。
網民大讚：好心有好報！
網民大讚店方做法充滿人情味，指「當做功德，好人有好報」、「良心商人，好多謝你嘅善良」、「好心有好報，雖然真係唔應該擺呢種地方」、「多謝你一切善意，祝你都遇到同樣的好人好事」，
另有網民猜測骨灰盅無人認領可能因為「會唔會放嗰個人都已經唔喺世上了」、「我諗過租客唔係有心遺留先人，隨時可能個租客自己都出咗事」、「可能後人走埋」和「可能放係度嗰位都過身，所以無處理到」。
▼原帖文▼
來源︰HKET圖片庫, Threads@kevinshee
同場加映：【著數慳家王】最新影片
港生活人氣本地熱話
【免費領取】HK$1,000 美妝購物券💰
↓無最低消費門檻，直接當錢使😍😍↓
↓【限時搶⚡】送您NOVamber十一悦山茶花精萃 Q10 護心茶油丸↓
↓加強心臟營養，改善心臟機能↓
