女神配對計劃｜梁敏巧狠批「吳卓羲2.0」拍過400次拖 一舉動令五位女神極度錯愕
TVB全新戀愛真人騷《女神配對計劃》參賽者有不少花生，早前在《花生搶先看》中自爆曾拍了400次拖、而引發不少迴響的「吳卓羲2.0」，於首集亦有登場。不過似乎就未能令女神心動，反而惹來負評，梁敏巧甚至出言狠批！
梁敏巧狠批「A400吳卓羲」
第一集首播，「A400吳卓羲」改口供指自己只拍過大約50次拖，不過依然承認自己試過一夜情；最終改稱拍了50次拖的「A400吳卓羲」令一眾女神為之卻步，事後阿Bob在女神們面前篤爆他「第一次面試時係話400」，原本已大為嘩然的女神們即表現得更錯愕，梁敏巧更忍不住負評：「50已經夠衰，仲要400，仲要講大話！」
森美反晒白眼笑Yuki「扭擰女」？！
而每集都有不同組合花生團現身的《女神配對計劃》，首集花生團成員有森美、江美儀及戴祖儀！食足全程花生的三人，除對每位候選人評頭品足，又大談戀愛經，其中江美儀問森美「男仔鍾意主動定唔主動女仔」時，森美竟無厘頭搵Yuki做例子，搞笑尖聲扮「扭擰」之餘，還七情上面、反晒白眼。
森美：「梗係主動嘅女仔啦，唔使煩、唔使估、唔使諗。如果表面上好似Yuki嗰啲擘大對眼，（開始扮聲）：『我唔知道呀，你話喇』，但去到最後你話完畀佢聽，佢就：（再扮聲）『我又唔鍾意喎』，好麻煩！」
【延伸閱讀】
港生活人氣娛樂新聞
【☀️大派海洋公園水上樂園門票💦】
⬇ 立即登記拎飛 ⬇
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
