高鈞賢罕談與繼子女相處關係成「最強繼父」親揭閃婚火速造人過程一擊即中

文: 鄭惠文

21小時前

2005年香港先生冠軍入行的高鈞賢 (Matthew)，10年前約滿TVB北上發展前，曾由靚仔小生淪為劇集御用色魔。內地成名後，回巢拍的《一舞傾城》及《新聞女王》等演出亦同樣掀起熱話。去年12月正式公開已婚消息，在社交帳戶分享婚照，更報喜升呢準爸爸。其後太太被爆有過一段婚姻及一對仔女，日前他接受訪問就談與繼子女真實相處關係。

高鈞賢談與繼子女相處

談及4個月大的女兒高子琳，首當爸爸的高鈞賢說不停兼笑不攏嘴，至於問及跟太太一對仔女相處及做後父有沒有難度，他說：「由頭到尾我唔覺得難，因為我加拿大長大，有幾個好朋友，佢哋一到weekend就要去stepfather屋企，我反而覺得過程中難嘅係小朋友一方心理調節。我認為大人嘅角色就係要做朋友，我都係叫佢哋叫返我Matthew。同外國人一樣，唔需要迫佢哋叫我爹哋。因為佢哋知道自己爹哋係邊個，佢哋長大後就會有自己方法處理。」

點擊圖片放大

唔怕會偏心

至於夫妻生女後，對於太太的一對仔女會否擔心偏心的問題，高鈞賢笑說：「大仔比較懂事，而妹妹始終係女仔，會敏感啲。佢而家成日問媽咪，幾時幫我改姓高。佢會諗好多嘢，想同我而家個囡囡高子琳close啲，呢啲我完全都唔會夾硬迫。總之我會負責返，點樣令大家一齊開心，或者到佢哋大個叫我爸爸，我當然會好高興。」

高鈞賢與太太相識經過

之前高鈞賢甚少提及與太太的淵源，原來早於疫情前，二人已因工作認識，他指當年未試過追求離過婚及有小孩的女性，所以未有進一步發展。及至疫情後到內地工作重遇，才發覺太太很適合自己，「各有各生活幾年，我亦經歷過感情上嘅錯摸，先發覺呢啲(結過婚及有小朋友)根本唔係問題，最緊要大家夾，同理解明白我。」

點擊圖片放大

高鈞賢閃婚火速造人

高鈞賢直認與太太閃婚，「我哋好犀利，無嘥過任何時間。由拍拖到計劃結婚同生BB，係一年左右。」他更沒想過夫妻能「一擊即中」，「我哋plan就一擊即中，因為佢公司做產前產後養生呢行，知點調埋身體。到我5月生日，佢就plan個 trip去馬爾代夫，我哋去馬爾代夫就係計劃去做呢件事。真係好順利，一個月後就知。當時係覺得開心同幾勁，係一擊即中！哈！知道自己食嘅保健品好work。」