女神配對計劃｜李芷晴狠心拒絕藝人周嘉全原因曝光 坦言好混亂「依家都少少後悔」
TVB戀愛綜藝真人騷《女神配對計劃》日前播出的第一集，為心儀女神李芷晴勇敢踏上舞台的無綫藝人，還有曾參與《鐵拳英雄》及《奪命提示》拍攝、入行超過十年的周嘉全！雖然女神最後拒絕「撳燈」，拒絕了好友心意，但周嘉全總算勇敢說出了自己心底的愛。
藝人周嘉全人像素描力追女神李芷晴感動全場
周嘉全之前在《花生搶先看》預熱節目中透露曾送畫向李芷晴表白，在節目中展示了當年送給李芷晴的素描畫真身，並百分百真誠地示愛：「以前我遇到真心鍾意嘅女仔，我都淨係識得送幅畫畀佢…就算送完畀佢，我都唔夠膽承認自己鍾意佢。希望以後唔止係畫畫，想將時間同心機所有嘢都送畀佢。」
一番勇敢的告白成功惹起全場女神嘩然，葉蒨文和關嘉敏更一度感動得眼泛淚光；「花生友」森美亦忍不住大大力讚嘆嘉全的真心：「毛管戙呀，好溫馨喎」、「畫得呢啲，肯定係愛得好深架喇！」
李芷晴一個原因哽咽堅拒好友心意
至於女主角李芷晴，則全程表現迷茫，她坦言從來沒有想過周嘉全喜歡自己：「佢不嬲有畫開畫，而佢送畀我之前，有畫咗幅男仔畫畀阿Ben（袁偉豪）嘅。」周嘉全現場被問到為何送畫一刻不馬上向Step表白時，嘉全說：「我係喺地鐵（港鐵）站畀佢嘅，我畀完佢傾咗陣偈後，佢就話『我準備搵男朋友喇』，我之後就冇諗其他嘢喇。」
周嘉全「相信你選擇幸福嘅能力」
說畢還大派冧到震愛的宣言：「其實（你）揀唔揀我，我一直都會咁欣賞你，而且我會相信你選擇幸福嘅能力。」葉蒨文聞言與關嘉敏齊齊感動至眼紅紅，葉蒨文大嗌感動：「我覺得佢好真心、好長情、好溫柔。」
李芷晴「依家都少少後悔」
李芷晴則全程心大心細、不知所措，掙扎了一大輪後，最終還是沒有選擇嘉全。事後李芷晴哽咽：「我真係完全冇諗過佢對我係有意思，所以就會變咗好混亂…可能畀多幾秒我我就會撳咗，依家都少少後悔。」李芷晴之後接受訪問時亦表示因為不想失去這個好友，所以寧願不「撳燈」，亦不想因為「撳燈」而代表許下什麼承諾。
【延伸閱讀】
港生活人氣娛樂新聞
【免費領取】HK$1,000 美妝購物券💰
↓無最低消費門檻，直接當錢使😍😍↓
↓【限時搶⚡】送您JA-RICE日本石川輝煌越光米↓
↓米粒透白具光澤、米香突出，黏度適中↓
