「近年最靚仔小生」驚爆飲醉酒去試鏡 宿醉嘔住入TVB見高層從此改變一生
現年38歲的陳家樂在2003年參與英皇新秀歌唱大賽入行，雖然曾出演不少電影配角，可惜一直發展平平，直至2018年拍攝無綫劇集《逆緣》，才憑「爺爺」一角人氣急升。不過近日他竟然指《逆緣》是他「最不堪嘅Casting」，自爆飲酒飲天光去試鏡，更加係嘔住入TVB見高層！
陳家樂自爆醉住試鏡
近日陳家樂踩過界，在網上節目《巴打圍爐》中擔任主持，在最新一集就自爆《逆緣》是他「最不堪嘅Casting」。他表示當日由於前一晚惠英紅憑《幸運是我》獲得金像影后，而有份出演的他在After Party亦成為灌酒對象。
陳家樂表示酒量向來差的他，最後飲酒飲到清晨6點半：「我約咗8點鐘去見，我真係個人係咁樣斜晒，我飲完酒咁樣（斜晒）返屋企，沖個涼換件衫咁樣行返出去，冇得唔去呀第一次！」
陳家樂嘔到入TVB
不過在早上8點鐘，他要去TVB試鏡為《逆緣》，與王心慰監製（Amy姐）見面。在搭的士途中陳家樂已經拿著膠袋嘔：「我嘔到去TVB門口！都仲嘔緊！一落車嘔多次，跟住又搵唔到垃圾桶喎，擺咗喺背囊！咁樣頂硬上啦，其實一落個人仲係斜緊。」直到正式試鏡陳家樂仍然未醉完，唯有強逼自己瞪大眼睛，裝作表現得好精神。
之後他又嘔，由於只準備了一個膠袋，只好到廁所攞返裝有嘔吐物的膠袋嘔，然後又綁返放入背囊。而其他主持一聽到即刻嘩嘩聲，表示畫面可想而知相當核突。
《逆緣》係「最不堪嘅Casting」
後來，Amy姐帶陳家樂見珍姐（曾勵珍），宿醉中的他更直接紮馬：「開始要紮馬咁樣坐，跟住佢哋兩個傾偈，珍姐佢一路都唔望我，淨係同Amy姐兩個喺度傾偈，跟住佢突然間話『你唔好以為我唔望你呀！我眼尾觀察緊你，睇吓你係一個乜嘢嘅人。好彩你都幾肯聽我講嘢，坐得好端正』」結果成功中選casting。
陳家樂亦直言：「呢個係我最不堪嘅Casting，但亦都因為中咗呢個casting，就改變咗我後面所有，真係好幸運！我嗰日真係醉到係黐線，我覺得自己死硬！炒㗎啦！」
港生活人氣娛樂新聞
↓U Lifestyle夏日狂賞祭☀️↓
↓6月超值禮遇天天有，驚喜不斷送↓
↓勁賞KAGOME升級版「野菜生活100」體驗套裝↓
↓甘筍蔬果汁、提子蔬果汁↓
