月入4萬港女因一事想租屋住！每月開支佔一半兼無儲蓄！網民：無80萬唔使諗 分析建議咁做...

月入4萬港女因1事想租屋住

近日，1名港女在Threads上發文，詢問網友「其實一個人搬出去住應該預鬆幾錢呢？或者留幾錢儲蓄先儲考慮？ 兩、三個月租？」她指自己目前「有Keep（保持）住睇租盤，但無啱心水，預$7000-$10000」，希望「想近地鐵紅線（荃灣線），有露台仔，可寵（物）。」

樓主亦列出自己的日常開支「平時三餐屋企煮／外賣，個人日常使費約$4000，食飯$3000，無車，交通費約$3000，狗狗使費約$6000-$8000。未買保險（得基本醫保）好似一年兩三千」，每月約2萬元。

樓主續指「扣扣埋埋都好似好抆水，份糧扣完應該夠交租+水電，到時可能隻狗就要節衣縮食。但唔搬，每日搭車來回3粒鐘，嚴重浪費光陰。」她詢問網友們「你係我嘅話，會唔會搬？ps（補充）唔考慮合租。」

網民認真分析 建議樓主咁做...

有網民認真分析指，「我個人計法，係預半年租金，即係萬一有原因而突然無收入，六個月內仲未搵到工都仲交得起租。另外兩按一上再加佣金雜費，所以最少要預10-11個月嘅資金。」

因「平均計當你租8500，一年租金就十萬，兩年一個合約就廿萬了」，詢問樓主「除咗3小時交通之外，仲有無其他原因驅使你搬？」，認為「如果你已經近30歲，又本身已經有穩健儲蓄可以足夠日後自己增值，就算抆水都搏得過。」

樓主回覆指「除左搭車，其他都好好，奔三了，無儲蓄，收入都唔穩定… 有諗過會唔會供層細，見有啲真係好平（要屋企幫） 定租好啲，可以彈性啲，驚綁死」。

對此，該名網民坦言「無儲蓄就真係唔使諗，開始交租之後如果係抆抆緊，你以後就好難有大額嘅儲蓄。」，並假設別人30歲有80萬存款，「佢就算月光族，都仲有80萬可以用黎增值。」，但樓主現時「連可以放入定期嘅本金都太細，然後又每個月都無儲蓄」。

建議樓主可以「自住之前不如儲咗錢先再諗果3小時交通。」在買樓上，雖然「有錢就當然買好過租」，但「見你話屋企人幫，除非係佢地買一層樓然後你當交租比佢地，否則睇你情況就唔使諗供樓」，認為「租樓無錢都可以再搬平啲或者搬返娘家，供樓你基本上無得斷，咁就一世」。

樓主認同網民的分析指「完全中...咁真係可以放棄，望到80萬呢個字都好遙遠」，補充自己「有學人用CWMoney（存錢記帳）記數，但太多數亂到九彩，淨係mark收入都用盡精力」。

加上自己「信用卡又多，每個月找幾萬，但cut卡唔現實，太常要用了，而且cut後我無辦法再apply到好既信用卡（依家人工太低）」，詢問網友「可唔可以分享下應該係邊到起頭好。」

該名網民認為「記帳真係理財嘅第一步」，指「你要知道啲錢點樣飛走咗，知道宜家用剩幾多，先可以決定cut咩支出」，建議樓主使用較簡單的記帳軟件。

在存儲方面，認為樓主應「必須要cut一啲大額嘅娛樂同消費，又唔係要cut晒，不過要減少，定個限制比自己」，建議樓主可模仿別人只使用現金，而且認為「狗狗支出6000-8000其實真係幾高下」，表示「平有平養，貴有貴養，睇下有無得降低囉。」。

+3

+2

點擊圖片放大

▼原帖文▼

來源︰Threads@suet0619