的哥網上發文尋好心乘客！3年前贈$500小費助走出人生低潮！網民感動：香港好多善良人

的士司機急尋善良一家三口

該名的士司機於Facebook群組「香港尋人專區」發帖，並以「尋人：鄭先生、鄭太太、鄭小姐」為題，尋找三年前他曾以接載過的好心乘客。

▼事件經過▼

+4

+3

點擊圖片放大

樓主透露，事件是發生在2022年8月23日中午12時16分左右，當時他駕駛Uber Taxi接載姓鄭的一家三口，對方上車時已付車資，上車地點為又一村，目的地是沙田凱悅酒店。

當時樓主正面對人生迷惘，準備赴英讀Master的他對未來感到擔心，「其實都唔係有困難，而係迷惘，唔知讀唔讀得成Maste」。一家三口得知後，便與他親切傾談，下車前還額外送上$500小費，並語重心長地說：「就算生活幾艱難，都唔好忘記自己係一個善良嘅人。」

一句說話成的士司機人生轉捩點

正所謂「聽君一席話，勝讀十年書」，好心乘客的一番鼓勵說話令樓主重新振作，「可能你地唔知道，呢張$500對當時經歷人生低潮嘅我黎講係一個幾重要嘅啟示」。對他而言，這張$500紙幣有著莫大意義，至今仍未用過，放在身邊提醒自己勿忘初心。如今樓主特意發文望尋找好心人道謝，「希望你地會見到呢個post，留個言，等我返到香港可以請你地食餐飯。」

網友感動留言：香港好多善良人

帖文一出即引起熱議，不少網友都被樓主的經歷所觸動，並紛紛留言「陌生人既善意好令人感動，特別係你人生低潮既時候」、「香港有好多好人，教育教出黎」、「香港真係有好多善良人」、「有緣人，保留住先當護身符」。有網友鼓勵樓主將「好人好事」繼續傳承下去，「你可以同樣幫助翻有需要嘅人」、「可以傳承下去才是本意」。

▼網友留言▼

+13

+12

點擊圖片放大

留言中，有網友問：「當日冇cap圖張單？我諗這類好人，會希望將這些好人好事，由你承傳去下一位有需要的人」，也有人熱心建議「po上Threads，嗰邊成功率好高」。面對網民關心，樓主亦有留言回應，表示自己有當日的訂單截圖，無奈未能聯絡上對方，「搵咗好耐有搵到，但係冇聯絡資料...」，唯有寄望透過網絡力量將訊息傳遞出去。

來源：FB@香港尋人專區