政府工30K VS 私人工40K！打工仔苦惱點揀好？網友反應兩極：你都諗到退休咁梗係OO

文: 黃樂恩

9小時前

政府工薪高糧準，相對穩定；私人工升職快，勝在有花紅雙糧，到底政府工作好，還是私人企業更優？近日討論區掀起一場熱話，一名打工仔表示陷入了一個現實抉擇，「政府工30K vs 私人工40K」。帖文引起熱議，有人認為政府工穩定、有退休保障，是長遠之選；亦有人認為搏幾年私人企業升得更快。

政府工30K VS 私人工40K

近日連登討論區上，有打工仔以「政府工30K vs 私人工40K」為題發帖，他個人認為私人工薪水吸引，「成皮其實都多，仲要有雙糧花紅」，但缺點是工作不穩定，「做到幾耐真係唔知，亦都可能做到退休都唔定，只係冇政府咁清晰65歲退休咁」。

穩陣派｜政府工夠穩、有前景

帖文引起網民熱議，惟反應十分兩極，不少人站穩「穩陣派」，認為政府工最大優勢就是穩定，即使30K起薪，但福利齊、年假多、公積金吸引，加上有清晰的「跳point」加薪機制，長遠來看更有保障。尤其現時經濟差，網友紛紛留言「黎緊又外勞又經濟差，入政府穩穩定定算啦」、「你都諗到退休咁梗係政府，公積金不知幾和味」、「緊係入政府，40K唔知幾時炒咗你」。

▼網民留言▼

點擊圖片放大

高薪派｜私人搏命，回報即時

另一邊廂，「高薪派」網民則指出，差距不小，私人工加上花紅雙糧，一年分分鐘相差十幾萬，加上升職加薪空間較大，短期內回報更可觀，「出去搏命好過啦」、「私人喇你想唔想冇雙糧？」、「40k計左雙糧花紅未？要睇埋成個pacakge先計到」，更有網民坦言，寧願承擔隨時被解僱的私人公司，也不想投入公務員隊伍。

▼網民留言▼

點擊圖片放大

來源：連登討論區

本港失業率升至3.2% 逾11.1萬人失業

根據政府統計處最新就業數據，現時本港最新失業率升至3.2%（2025年3月18日公布），就業不足率則維持在1.1%的水平。不經季節性調整的失業人數，就由去年11月至今年1月的110,100人，上升至去年12月至今年2月的111,700人，增加約1,600人。同期的就業不足人數則由43,000人下跌至40,700人，減少約2,300人。

延伸閱讀：經濟差打咩工最穩陣？盤點10大最穩陣行業！網友稱1行業絕對唔會執笠？

港人提議5大最穩陣行業

眼見香港經濟每況愈下，百業蕭條，近日有港人於本地討論區發帖，他提到「經濟下行，個個行業都話死」，就業前景不樂觀，遂詢問各大網友，「有咩工種係完全唔受影響？除左政府工外仲有咩係公司唔會倒閉呢？」

帖文很快引起關注，有網友對於香港經濟前景並不樂觀，直言「其實咩行業都係咁」、「冇㗎喇，依家個個行業都低迷」。但也有網友認為香港仍然不少「鐵飯碗」，例如博彩業、銀行業等，「馬會應該好難會倒閉，大叔就係鐘意賭博」、「發鈔銀行唔會倒閉，如果倒閉就成個香港都不存在」。

最穩陣行業1.娛樂博彩業

點擊圖片放大

最穩陣行業2.銀行金融業

點擊圖片放大

最穩陣行業3.殯儀業

點擊圖片放大

最穩陣行業4.醫療相關行業

點擊圖片放大

最穩陣行業5.維修及保養行業

點擊圖片放大

AI建議6大最穩陣行業

除了上述工作，ChatGPT亦建議6大相對比較穩定的行業，當中包括法律、會計、資訊科技等行業。而ChatGPT亦有提及「醫療相關行業」，它指出香港人口老化，醫療服務長期人手緊張，特別需要護士、放射師、物理治療師、藥劑師、牙科助護等人材，雖然入行需要一定的專業資格，但相對上也不容易比AI取代。而且呢啲專業唔容易比AI取代。