沙田超市女子徒手開榴槤！每星期出沒！1舉動被街坊炮轟：同職員有利益輸送？
一名女子被爆在沙田超市頻繁徒手掰開榴槤卻不購買，引發公憤！網民指她每週出現2至3次，甚至一晚連開3顆後齋睇唔買。曾有市民向超市職員投訴，惟對方未正視事件。帖文發布後，隨即有大班網友痛批行為自私、衛生堪憂，更質疑背後有利益輸送。有人更諷刺：「不如直接食飽再返屋企？」
神力女子徒手開榴槤
有網民日前在Facebook群組「超市關注組」發文，指經常在沙田第一城連鎖超市內目擊一名中年女子「搞搞震無幫襯」，該女士會佯裝在超市內挑選榴槤，然後徒手掰開睇果肉，手力驚人。最令人討厭的是，女子打開完不同榴槤，若不喜歡就置之不理，當有職員建議她選購要已開好剔出榴槤肉的，「佢話唔鍾意開咗。」
其他顧客有就事件向職員投訴及反映，不過就因為該中年女子與職員相熟，所以就沒有處理問題，令一眾街坊氣憤又不齒。根據帖文內容，女子可謂開榴槤慣犯，一星期會出沒2至3次，當晚又開了3個榴槤最後全數沒有購買。
網民鬧爆：一啲公德心都冇
女子舉動令人譁然，帖文引來大批網民批評，狂轟相中人無公德心「自私」、「無品」、「伸手入去掂啊」、「嘩，開到咁大，咁多都冇野包住架? 勁污糟」，不解為何超市會容許這些不衛生又無賴的行徑。有人諷刺「如果咁樣都得嘅話，不如當場食飽個肚先返屋企啦，慳時又慳錢！」亦有人認為己所不欲，勿施於人，相信該女子亦不希望在自己任職的麵包店中有用手觸碰食品的顧客，「咁可唔可以每個麵包用手翻一翻睇下夠唔夠新鮮同熱先買呀？！」
有人質疑該女子與店內職員私相授受，猜測打開後的榴槤無人賣就可以自己吞佔，「可能係職員朋友 開左買唔出 咪益返D職員自己食」、「懷疑有利益輸送」、「開口變成特價貨。」亦有留言指這些已開口的榴槤會用作包裝做一份份售賣。
來源：Facebook
港生活人氣本地熱話
↓請您去英匯劍擊學院小小劍士體驗及實戰班↓
↓額外免費體驗一次Fencing Night實戰班↓
↓勁送Miracle Plant澳洲全天然香薰安眠香水↓
↓促進身心放鬆、提升睡眠質素↓
