女神配對計劃｜林堡熙IG一句隔空回敬葉蒨文火藥味甚濃？疑似敵對眼神掃視曾展望GM
TVB戀愛綜藝真人騷《女神配對計劃》自播出以來話題不斷，第二集播出的地獄「三角枱約會」，更是熱議焦點。曾展望（GM）再次登場，與兩位競爭對手圍繞女神葉蒨文（Sophie）進行三角約會。不過，參賽者林堡熙（Eddie）的舉動卻引發網民熱烈討論，其在IG一句隔空回敬葉蒨文，更被指火藥味甚濃。
《女神配對計劃》「三角約會」
主角是葉蒨文Sophie與她三位成功登陸的「求愛勇者」—曾展望（GM）、「金絲眼鏡房祖名」林堡熙（Eddie）及陽光男孩林澤謙，其中Eddie及林澤謙均為港隊，前者為閃避球港隊、後者為手球港隊，而這場「三角約會」雖然只曝光了3分鐘，但已感覺腥風血雨。
林堡熙：「我都可以同你玩閃避球」
二人中較為進取的Eddie，除一來已大讚Sophie靚得健康自然，又主動出擊：「我都可以同你玩閃避球」，還邊說邊甜笑怕醜望枱：「如果你鍾意玩。」豈料卻換來全程表現謙厚的阿謙一句得埋去：「佢鍾意打網球。」Eddie聞言即露出鋒利眼神。
林堡熙忍不住酸溜溜
正當二人戰意飆升時，曾展望GM風度翩翩的進場吸引了全場目光，Sophie更開心得連環甜笑兼傻笑，GM亦乘機大讚女神「好靚」搏取好感。Eddie眼見GM進場贏盡頭威後，則忍不住酸溜溜謂：「GM一入嚟，我就覺得，喲！原來係同事，即係一早識嘅，咁應該會好多嘢講吖。」
林堡熙疑似敵對眼神掃視曾展望GM
片段顯示，曾展望甫登場便主動向兩位對手打招呼，但林堡熙卻未有回應，僅是坐定定望向對方，其疑似「敵視眼神」和態度被網民狠批「冇禮貌」，氣氛緊張。
葉蒨文：「你哋三個先咁有Chemistry」
節目播出後，女神葉蒨文在IG發布限時動態，寫道：「黐線！我其實嗰日冇辦法同時睇到你哋三個個樣，今日見到，先發現原來咁有火花，係你哋三個先咁有Chemistry，換其他人落場都唔係呢個feel！恭喜你哋三個配對成功」。
林堡熙IG一句隔空回敬葉蒨文
然而，林堡熙隨後在社交平台轉發葉蒨文的限時動態，對她文中提及的「chemistry」疑似作出「評論」。他直言：「呢種chemistry係就嚟爆炸嗰種，應該唔係好match」，這番言論火藥味甚濃，似乎暗示著三角關係中的矛盾遠超想像，引起網民熱烈討論。
【延伸閱讀】
港生活人氣娛樂新聞
↓U Lifestyle夏日狂賞祭☀️↓
↓6月超值禮遇天天有，驚喜不斷送↓
【社群請睇騷】送太陽馬戲團KOOZA門票🤹♂️！
