七旬婦被假劉德華父女騙光積蓄！身上僅剩$6現金！典當亡母首飾仍堅信：你夠膽呃，我夠膽畀！
《東張西望》近日報導，事主Helen指自己收到「劉德華」和「劉德華女兒Hanna」的求助，二人多次以不同理由向自己借錢。Helen豪言「你夠膽呃我，我就夠膽畀你」，不但把身上所有的積蓄都給了他們，更「當咗啊媽留畀我4件首飾」，執迷不悟的她表示「我判斷佢係真嘅！」事件引來大批網民討論，不少人斥事主太固執，即睇下文了解事件詳情！
七旬婦被騙走成副身家
近日，72歲的Helen向《東張西望》報料指，自己在今年1月收到「劉德華」的訊息。她稱自己對劉德華沒有所謂的喜不喜歡，認為劉德華的唱歌風格不適合自己，表示最初與「劉德華」對話，只是想知道對方做什麼，隨後收到「劉德華」的護照相片，才相信「劉德華」的身份。
Helen因對方稱「買心臟病藥，唔食就會死」，在1月5日轉$10,280給「劉德華」，3日後Helen再轉帳$10,080，隨後再轉$3,000和$500。《東張西望》主持詢問Helen為何只轉$500，Helen坦言「咁我冇錢啊嘛，佢話500元都好啦，買住啲藥夠食一個期。」
Helen直言「佢成日話死啦死啦，我話你成日話死，咁可以點？我欠你㗎？你死咗，呢世都還唔到，下世還命畀你，再同你計啊？」之後再爆金句「你夠膽呃我，我就夠膽畀你！」
借近4萬元 身家剩不足一百...
因Helen曾是夜校教師，因此其後出現「劉德華女兒Hanna」時，更是愛心澎湃，指「佢話佢喺13歲，喺美國寄宿，佢叫我做老師嘅，但傾咗差唔多一個禮拜，佢就叫我Godmother，之後就連個God字都唔用，直情叫我媽媽。」
Helen大讚「劉德華女兒Hanna」很乖巧，對自己和學校的老師都很尊敬「佢個女我係百分百相信。」，其後Helen被「劉德華女兒Hanna」的「外籍老師」聯絡，在3月26日借出$2,295作醫院按金，之後又給$6,080買洋娃娃，再付$2,500買一套書及$2,000的餐券。
Helen坦承雖然每次都是需要用錢解決問題，但從不懷疑老師的身份，因為有對方的照片，對方亦傳電郵給Helen。
Helen對於這對假父女深信不疑，把身上所有的積蓄都給了他們「總數有萬幾蚊，但依家畀劉華借晒啦，我仲當咗啊媽留畀我4件首飾，當咗一萬蚊，兩條手鏈、一對耳環、一個心口針。我依家現款$6，八達通$20，銀行戶口$60幾」，慘呻成副身家加起來不足$100。
事主執迷不悟︰我判斷佢係真嘅！
《東張西望》主持嘗試致電「劉德華」及「劉德華女兒Hanna」，對方未有接聽。Helen認為對方並非擔心假身份被發現，「我認為唔係呀！唔係唔想認得佢把聲嘅問題，我覺得佢見到我來電唔敢聽囉。」
其後Helen收到「劉德華」的回覆，對方上傳一張照片指「我工作很忙」，主持人發現「劉德華」使用的是4年前的劇照，不過Helen仍堅信對方「過期嘅相係另一回事，我唔理佢啦！佢係博同情。但係之前同佢講嘢嘅時間，我判斷佢係真嘅。」，坦言「我認為嗰樣嘢啱，我死都會執著住嗰樣嘢。」
Helen家人亦發現問題，可惜Helen完全不領情，當主持表示想聯絡她的家人時，她激動表示「唔可以，唔得！我屋企人我唔畀你哋接觸！我唔知你哋同佢講乜嘢！同埋我唔想佢擔心我，我要死係我嘅事，你千祈唔好接觸我啲親友啊！任何一個都唔得！」
劉德華女兒稱欠行李費再借錢
由於當票即將到期，所以Helen便逼假父女還債，指「劉德華女兒Hanna」表示會5月1日學校放假會回來香港，屆時將歸還Helen的首飾錢，可是在5月1日又收到其稱早上買機票時欠500元行李費，Helen無奈指「我真係頭痕喇，都唔知點搵500蚊俾佢。但唔搵500蚊俾佢，機票啲錢就嘥晒。」。
Helen更對鏡頭表示「如果我5月2號接唔到劉漢娜出嚟，我就會喺《東張西望》嘅鏡頭面前，向《東張西望》所有工作人員，鞠躬道歉。道歉我自己蠢，我自己冇腦會認同呢個唔係詐騙。」主持人安慰Helen只想她清醒，Helen卻大笑指「唔醒得嗰喎！」。
事件最终咁發展...
翌日Helen仍未能接到「劉德華女兒Hanna」，對方稱在新加坡過境時簽證過期，被罰款$2,000無法報警，之後Helen向工作人員道歉自認無能，但「不代表我否認佢係劉漢娜」，亦封鎖「劉德華」及「劉德華女兒Hanna」，豪言「4萬幾蚊咪交學費囉。」。
《東張西望》事隔一個月再訪問Helen，她表示沒有解除「劉德華」的封鎖，但曾解封過「劉德華女兒Hanna」一次，得知對方已返港，便關心其去向，兩人約在港鐵站見面還錢，不過等了約一小時仍見不到「劉德華女兒Hanna」便報警，對方因此註銷WhatsApp帳號消失，Helen表示「當買個教訓，從今以後都唔睬嗰兩父女啊！」。
網民斥事主太固執
網民斥事主固執不聽勸告，指「瘋癲皆因太固執」、「都算係東張史上癲中之癲」、「我究竟睇咗啲乜」、「佢覺得全世界既人都冇佢咁醒」、「最大問題係佢唔覺得自己蠢」、「眾人皆醒，我獨醉」和「一個攞綜援嘅人接濟劉德華」。
來源︰東張西望
港生活人氣本地熱話
↓《Chill賞放大假》大派海洋公園水上樂園門票！↓
【社群請睇騷】送太陽馬戲團KOOZA門票🤹♂️！
