公公婆婆街市公然呃錢！大齡小偷3大手法作案極猖獗！牛池灣街市檔主：有片都唔認
牛池灣菜檔黃先生向《東張西望》揭露，近期街市頻現長者偷竊亂象，手法包括「半買半偷」、「拉車黨」及「找錢黨」。他無奈表示即使有閉路電視錄影存證，對方仍會矢口否認。附近攤販亦反映類似遭遇，嘆捉到都難追究。
大齡小偷牛池灣街市出沒作案
在牛池灣街市經營菜檔的黃先生向《東張西望》報料，指現時有不少公公婆婆偷竊，「我唔知佢哋係咪覺得偷嘢我哋唔會捉佢報警，佢哋覺得自己冇事」，黃先生猜測他們可能覺得上了年紀店舖不會追究，所以相當猖狂。
半買半偷、扮未找錢樣樣齊
這群大齡小偷手法層出不窮，例如半買半偷，黃先生表示「可能買咗番茄再買薯仔，淨係畀袋薯仔我，唔畀番茄，側側膊走咗去。」亦有拉車黨直接拿起一扎蔬菜放到車上就離去，更有找錢黨會將找續收好後，訛稱商戶沒找錢呃錢。
▼「找錢黨」犯案過程逐格睇▼
苦主呻愈來愈多同樣事件發生
黃先生唯有裝上閉路電視，亦在攤販貼出涉事人的圖片。黃先生苦呻最近愈來愈多同類事件出現，直言「手法一模一樣」，比如早前有個老伯買木瓜，黃先生指「我好清楚當時佢畀$50我，我找$40畀佢，亦有影片為證， 但佢死口話冇，之後我依然畀返$10佢走。」
至於公然偷竊的案例亦不少，如圖中的老人大模廝樣偷竊後再整理好，即使有證據對方仍矢口否認。黃先生懷疑他們是認識的同黨，「日日都係呢班人，手法一模一樣。」
其他攤販同遭毒手：捉到又點呢？
節目組再訪問其他攤販，都有被偷竊及騙錢的經歷，亦有幾個人合謀作案的事件。檔主無奈表示「捉到又點呢？幾廿歲老人家，拉佢坐監又唔係，唔捉佢又唔係。」
來源：東張西望
港生活人氣本地熱話
【社群送禮🎁】大派15,000個Namco遊戲代幣及Chiikawa精品🎮！
⬇ 簡單留言即有機會免費暢玩Namco⬇
↓【限時搶⚡】賞您Cetaphil舒特膚三重溫和煥膚酸系列↓
↓溫和去除死皮和老化角質｜改善膚質↓
