粉嶺夾公仔店「雌雄大盜」連環行竊！逾2千元Labubu被偷走！疑犯囂張歸還「爛」公仔？
《東張西望》日前接獲粉嶺一間夾公仔店的求助，控訴被一對情侶多次偷竊，上星期更被偷走價值超過2,000元的Labubu公仔。店主事後聯絡其中一名疑犯，但對方態度囂張，不但否認偷盜，更反向店主索要證據，事後更歸還已破損的公仔，令店主非常無奈。事件引來大批網民討論，不少人怒斥疑犯「好無悔意」，即睇下文了解事件詳情！
夾公仔店被偷走千元Labubu
粉嶺一間夾公仔店舖近日向東張西望報料，指其中一台夾公仔機，為方便客人拿取禮物，因此沒有上鎖，令「雌雄大盜」有機可乘。
片中可見，一對男女到店內夾公仔，男疑犯先從夾公仔機中取出紅色盒裝公仔後離開，15分鐘後再次返回，從同一部機中取走另一盒有半個人高的公仔後離去。
店主指涉事男女並非初犯，在1月時男疑犯已用相同手法盜走機內一隻價值400多元的公仔，店主慘呻「今次又嚟，又係同一個犯案方法，佢哋好似肆無忌憚咁。」當時男疑犯事後到隔壁店舖會合女疑犯，女疑犯因在隔壁店夾了公仔，所以留下了聯絡電話。
疑犯態度囂張反索證據
於是店主根據電話，聯絡該名女疑犯，表示手上有二人偷竊的證據，可是女疑犯不承認有偷竊行為，更囂張地向店主索要閉路電視片段。
因上星期這對情侶又犯案，店主便要求他們在11號前歸還失物，否則報警處理，但女疑犯仍然要求店主提供閉路電視片段才會歸還公仔。
疑犯歸還已損毀的公仔
《東張》主持陳曉彤陪同店主致電女疑犯，女疑犯一開始仍否認偷竊「我多次提及同要求你要畀條片我，證明係我本人攞咗，如果真係我，我畀錢你唔係問題。但嗰時我咩都睇唔到，甚至乎我本人係冇做過呢件事。」。
店主冷靜地表示「我哋唔係要錢啊其實，你要明白一樣嘢，你哋嚟偷咗嘢之後，唔通你哋偷咗嘢之後又話賠錢啊？」，亦向她表明會報警處理，但女疑犯只是一直反問店主如何肯定偷竊的人是她。
主持人這時質問女疑犯既然沒有做過為何要賠償，女疑犯這時大呻「大佬啊，我唔賠嘅話，你哋要煩來煩去煩幾耐？」，雖然同意在1個小時內歸還，但表明不會到場「我本人就一定唔會出現，始終你哋隔離有個採訪嘅人。」。
一小時後，一名運輸司機到達夾公仔店並非「雌雄大盜」，送來的兩隻公仔包裝已經破爛，索帶也拆除，司機對此表示收貨時已是如此，並非運輸中弄壞，更指運輸路程只有10分鐘。店主對此非常不滿，表示將會報警處理。
網民鬧爆︰未見過啲賊咁惡
事件引來大批網民討論，不少人鬧爆涉事情侶，指「同佢地講都多餘」、「未見過啲賊咁惡，迫人交CCTV片段」、「好無悔意，希望老闆追究到底」、「偷咗嘢被捉到仲理直氣壯，真係要重新教育下呢兩個人」、「同呢兩個人渣講多無謂」、「如果真係無偷就應該叫個店主報警，證明自己清白先係」和「人無恥，便無敵」。
來源︰東張西望
港生活人氣本地熱話
【☀️Chill賞放大假】夏日大激賞🎁
⬇ 逾800份人氣禮品！贏走樂園門票／酒店住宿／自助餐 ⬇
↓【限時搶⚡】賞您Cetaphil舒特膚三重溫和煥膚酸系列↓
↓溫和去除死皮和老化角質｜改善膚質↓
