何雁詩罕有回應黑心負評仔仔患病係「報應」 重提被指做第三者：唔係同一個Level
歌手藝人何雁詩（Stephanie）和鄭俊弘（Fred）2020年結婚，育有一子鄭讚廷（Asher），但後來仔仔確診患上罕見遺傳病「天使綜合症」，二人依然沒有放棄，堅持為仔仔進行治療。一路走來曾有網民黑心留言Asher患病是「有報應」，日前何雁詩作客前主播方健儀的YouTube節目接受訪問，就罕有回應網上聲音，霸氣表示：「唔想同鬧人嘅人同Level！」
何雁詩回應天使仔仔患病係報應
當年何雁詩被指介入鄭俊弘與富貴未婚妻Beebs的戀情，後來鄭俊弘更惹來疑似虐狗風波，形象一度插水。因此，在兩人公布兒子患上「天使綜合症」後，曾有部份網民留言Asher患病是「有報應」。而何雁詩接受訪問就對此表示：「你唔會真係理佢㗎嘛，你又唔識我，你衝埋嚟突然間鬧我，我冇理由同佢拗，我唔係一個會咁樣講人哋嘅人，所以我唔想同網上鬧人嘅人同一個Level。」
何雁詩重提被指是第三者
對於曾被指是第三者何雁詩就表示：「我明白點解有啲人對我哋有個睇法，因為佢哋對我哋嘅了解就係喺報章上面，報章上嘅嘢當然唔係我哋嘅全部啦。」亦指在公開兒子患病時，亦預計到不同的聲音，而自己的初衷亦只是希望讓更多人認識這個病：「人哋成日叫我小朋友嘅嘢低調啲，但係我係唔會㗎，OK？好多人就話『個仔有問題你就收埋佢啦』，好多嘅，但係我知道我自己點解要咁做囉！」
透露第二胎計劃
何雁詩亦透露在懷孕時亦有做足產前檢查，但由於「天使綜合症」的數據實在太少，因此沒法檢查出來，而囝囝確診患時，自己的反應比鄭俊弘冷靜。而Asher去年在美國接受治療後，大有進步，即將可以到特殊幼稚園上學。不過對於第二胎的計劃，Stephanie就表示暫時未有計劃生第二胎，目前希望可以專心照顧Asher。
來源：YouTube@方健儀
港生活人氣娛樂新聞
↓勁賞李錦記蠔皇牛肉撈麵↓
↓招牌蠔油醬汁 低脂非油炸麵↓
【社群送禮🎁】大派15,000個Namco遊戲代幣及Chiikawa精品🎮！
⬇ 簡單留言即有機會免費暢玩Namco⬇
