超市結業潮｜屋邨連鎖超市貼滿「大字報」狂推優惠街坊勁擔心做唔住？

彩虹連鎖超市貼滿「大字報」狂推優惠 街坊勁擔心做唔住

早前本港多間超市連環結業，日前有市民透過連登討論區發帖，分享近日位於其屋企樓下的一間連鎖超市出現罕見現象，她分享兩張超市相片，並指「大鑊啦屋企下面間惠康都危危地」。從相中可見，該超市店內外都貼滿了一張張的以紙張印製的「大字報」，顯示最新超市優惠。

點擊圖片放大

其中超市門口貼上「中午12時前全線新鮮」、「食品買滿$80再92折」的標語，驟看望相當醒神。至於店內的冷藏櫃同樣貼滿「優惠提示」，除了價錢牌強調92折外，櫃上亦再貼上一張張A4紙尺寸的「本店限定」優惠字眼，惹來網民討論。據圖中顯示，該店應是位於彩明苑彩明商場3樓的連鎖超市。

點擊圖片放大

不少網民留言表示擔心，並為超市打氣「頂住呀惠康我唔想買米都要淘寶」；不過都有網民認為，超市或店舖不但需面對租金昂貴問題，更要面對同業或內地電商帶來的市場競爭：「依家差唔多每日都去惠康，我同你講一條維達廁紙10卷裝（粉紅色嗰隻）仲係$38，嘉頓蛋糕卷仲係$12/2件，點會夠PDD（拼多多）打」、「但係早兩日我屋企樓下間惠康（係港鐵商場入面）反而反常地每樣都加價，本身平時平過附近百佳變左貴過百佳（屋邨商場）」、「想問下惠康可唔可以咪再入大陸貨？想買大陸嘢嘅我地自己淘寶都得啦，大陸嘢仲要賣香港價。」

點擊圖片放大

然而都有網民認為實體超市仍然有一定需求，「有去開都知超級依加買嘢已經平過藥房」、「老實講買米呢啲大陸網購取代唔到喎，pdd（拼多多）玩咗好多次，送貨最快都要三至四日，玩網購真係要識得計定啲嘢預早買定，等緊嗰包米開飯，網購三至四日冇得食，貴十蚊都落街邊士多仔買」、「依家香港係商舖VS商場業主嘅戰爭」。目前該店沒有傳出結業消息。

DFI：去年第四季香港超市零售總額恢復增長

據財報顯示，經營惠康及美心等零售品牌的DFI零售集團於今年3月發布的2024年度業績，全年由盈轉虧錄得淨虧損約2.45億美元（下同），對比去年同期錄純利3,200萬元。收入按年下跌3%至88.69億元。按業務劃分，包括惠康在內的食品業務收入為31.3億元，按年下跌4.7%。集團解釋，去年大部分時間香港居民前往中國內地的旅遊次數增多，影響了食品消費，但見到情況已開始趨於正常，去年第四季香港超市零售總額恢復增長，惠康在第四季度銷售勢頭有所改善。

5大連鎖超市連環結業

近期全港5大連鎖超市接連出現結業潮，包括日式人氣超市DONKI、本地龍頭百佳及惠康在內的多間分店突然「落閘」，多區居民大嘆買餸選擇驟減。本文整理最新執笠超市名單，發現多間位於民生區的分店已結業，部分更開業僅2年多便黯然退場！詳情請入內文：

資料及圖片來源：連登討論區、DFI零售集團2024年度業績報告