海洋公園水上樂園人潮爆滿變「排隊地獄」遊客玩急流等2小時以上：件泳衣乾曬

海洋公園水上樂園人流量激增！遊客入場/更衣室/遊樂設施等2小時以上

有遊客在社交平台上分享前往海洋公園水上樂園的遊玩經歷，表示：「等咗半個鐘以上搭shuttle（穿梭巴士），去到再用半個鐘排隊入場，好彩入場前上網買咗locker（儲物櫃）位，如果唔係入到去又要排locker。」成功入園後繼續要不斷耐心排隊，從網民分享的相片可見，有大批遊客正在排隊苦等玩娛樂設施，而現場設施狀況電子屏的輪侯時間顯示，大部份要等60分鐘或以上，其中「急流漩渦」等120分鐘。

點擊圖片放大

有遊客表示「玩所有遊戲包括最低難度嘅飄流都大半個鐘，再排多半個鐘玩細路滑梯」、「海洋公園水上樂園個急流漩渦寫排90分鐘，結果排左成2個鐘，條隊完全唔郁咁滯」。至於更衣室、廁所等情況都類似，「走時女更衣室淋浴間排晒長龍，目測要30分鐘以上，女廁排隊同樣需時十幾分鐘」，有小朋友因等候過久而感到不適。有人離開搭乘接駁巴士時亦面對人潮，「過百人排隊，好彩突然有城巴出現，先可以盡快逃離現場」。

點擊圖片放大

網民建議買特快通行證：玩到唔玩

有網民笑言「排完隊件泳衣都乾曬」，亦有人分享以往去人流量未見如此誇張，「我上年四月份平日去，冇乜人，每樣野玩咗勁多次」、「我夜晚去，無咩人，但勁黑，唔知玩咗咩」、「我尋日都有去，室內個衝浪池，啲水勁濁」、「點解我去幾次都冇乜人排，排隊都係5分鐘」。今次人潮爆滿，有網民估計是近月樂園出售太多「買一送一特價門票」，又認為「香港人貪平」導致，部份人則認為正值中小學考試期完結，「家長小孩報復式消費」而引致。

點擊圖片放大

有其他網民就教路，建議「買特快通行證係一個唔錯嘅選擇 」、「我上星期去到先知有幾個無開焗住玩，去排第一次用左30分鐘覺得唔對路，結果出去買快證200蚊，真心講呢200蚊真係抵比，玩到唔玩」。

資料及圖片來源：Threads、海洋公園官網