公屋男呻月入5萬兼請2個工人買樓無望！網民圍剿︰你呢啲叫無病呻吟！提議咁做每個月慳一筆
近日，1名港男在社交平台呻買樓無望，「註定要成世住公屋」惹熱議。港男指一家人居住在公屋，夫婦兩人月入合共約5萬元。自己的母親目前獨居在一間公屋，因行動不便，所以需要聘請工人照料，而自己的家庭也聘請另一名工人，方便照料自己的起居飲食和小朋友。他發文訴苦稱扣除其他方面的開支後，現時港男每月只能儲到$6,000-$7,000，帖文引來大批網民討論，有人直斥樓主「無病呻吟」，即睇下文了解事件詳情！
公屋夫婦月入共5萬兼請2個工人
近日，1名港男在Threads上以「住公屋請兩個工人是否悲哀？」為題發文，指夫妻兩人每月合共約5萬元，由於媽媽行動不便，難以照顧自己，需要聘請工人照料，工人月薪為$5,000，連同$3,000租金，共$8,000。
樓主另外聘請另一名工人照顧自己和小朋友，該名工人月薪同樣為$5,000，租金$3,500，扣除妻子需要繳交的$4,000家用後，只剩$29,000。
樓主坦言「因為請工人搞到成家都好似巨嬰咁，乜都有人服侍」，如果只有1個人工作又「養唔到咁多人」，而且小朋友洗費多，現時每月只能儲到$6,000-$7,000，直言「邊有可能買到樓」。
樓主又指「之後又話富戶要交2.5倍租，只要大家都加幾百蚊人工就超過3人家庭$50201要交倍半租個限額」，大呻「到時就更加唔洗諗買樓，即係我註定要成世住公屋」。
網民斥︰無病呻吟！
事件引來大批網民討論，有人認為樓主是無病呻吟，表示「老人家要工人照顧我明，自己屋企都要工人？自己做埋家務咪儲到錢」、「我一季差餉都$4000，每個月管理費費都$1500，仲要冇工人服侍」、「你呢啲無病呻吟係咩玩法，做人要知足喎」、「有屋住又有工人點會悲哀呢？」和「係咪買唔到樓？就係悲慘人生？」。
另有網民建議樓主和母親一同居住，指「咁你同呀媽一齊住，申請個大啲單位，可以減少啲租，又用少個工人」、「Bb 比奶奶工人湊，你地自己家務自己做，減一個工人」、「買樓你可以抽居屋，或者過多幾年先再諗，捱吓啦爸爸」、「一齊住可以慳到$8,000」和「接埋阿媽一齊住，起碼慳返一份租，加咗老人公屋入息上限又可以提高」。
港生活人氣本地熱話
【☀️Chill賞放大假】夏日大激賞🎁
⬇ 逾800份人氣禮品！贏走樂園門票／酒店住宿／自助餐 ⬇
【立即投票】贏走人氣雪糕券🍦
↓每日入《社群》投票，送您人氣雪糕券😍↓
