女神配對計劃｜關嘉敏首度揭前度冷暴力對待 一狠心舉動生日正日爆喊收場

關嘉敏愛犬玩謝細John

今集《女神配對計劃》打頭陣出場的關嘉敏Carman與三名組員，原本佔盡上風的姜卓文（細John），最後竟因Carman愛犬Two Two的「選擇」，陷入了前所未有的重大危機！到底令細John陷入苦戰的，是 iBanker 黃家俊Matthew，還是蘭桂坊攝影達人劉榮業Andy？

關嘉敏女神真性情獲讚

出名真性情的Carman，上集尾聲現身時獲不少網民大讚：「做女友真係無得頂」、「結婚應該呢種」、「同Carman一齊好開心」、「夠爽」，今集繼續展現真性情的Carman，更會繼續有可愛浮誇表情包大放送。

+2

點擊圖片放大

關嘉敏首度揭前度冷暴力對待 摧毁快樂生辰爆喊收場

關嘉敏之後會在「甜品時間」與心儀求愛勇者真情剖白一次最難忘的生辰，揭露了前度冷暴力對待的傷痛。她透露，在的家人在場的情況下，她的前度不但全程黑面發脾氣，最後更因為不想拍攝合照而拂袖離座，令她最終爆喊收場。

點擊圖片放大

關嘉敏難忘生日遭前度惡意「摧毁」爆喊切蛋糕

Carman雖然望落十足傻大姐，但其實骨子裏還有感性及自強一面。在與Matthew一起湊Two Two的甜品時間中，被Matthew體貼及溫柔感染的Carman，決定打開心扉向Matthew細訴一段極不愉快的生日經歷：「我每年生日正日都會同屋企人食飯，我有叫我前度啦，首先佢遲到！佢遲到唔緊要嘅，可能天氣唔好啦，然後上到嚟佢開始黑口黑面，然後我問佢做咩，佢就話冇嘢呀！」

網民激讚關嘉敏真性情唔作狀

「我媽夾啲蝦喺佢碗度，我幫佢剝、擺埋喺佢碗，我話：『你快啲食蝦吖』，『得喇，我自己嚟啦』。我細細聲同佢講：『你快啲食，我媽望住，唔該你呀、求吓你呀』。」Carman邊說邊重現前度當時的「晦氣食蝦樣」，續說：「佢食得好晦氣，我成個過程覺得好唔舒服。咁食完飯切蛋糕啦，我阿媽話買咗個好靚嘅蛋糕，跟住好開心話有靚蛋糕，話要搽唇膏影靚相好Hyper，但佢就態度惡劣咁回應：『唔影呀！』、『做咩唔影』、『唔想影咪唔影咯』、『點解唔想影呀？』、『我都話唔想影咯，唔影呀！』跟住佢走咗，佢真係走咗呀～～～！（邊說邊抱頭）然後，我望住個蛋糕係咁喊，跟住我切蛋糕時係喊住切（做出喊到嗚嗚聲的狀態），真係一個好有回憶嘅生日。」

關嘉敏為男友剝蝦獲讚好女友：感受到愛意

即使分享了一段如此傷心的往事，但Carman很快便九秒九回復歡樂，並笑指自己特意炮製了一本「爛Gag備忘錄」氹自己開心：「我唔開心嘅時候，就會拎出嚟睇氹番自己開心。」Carman還即場與Matthew分享了一個「細、中、大」薯條的爆Gag題，謎底是大薯條最咸皆「碧咸（諧音：Big咸）」，說畢還自己哈哈大笑！由於Carman夠晒烏龍、大情大性，加上性格樂天一直致力走出悲痛Mode，生日事件又盡顯了她作為女友貼地（剝蝦）又忍讓的一面。