HK Express乘客起飛前訂$10樽裝水被議論 網民反撐：有需要咪買

HK Express乘客起飛前訂水被議論 網民撐：有需要咪買

該樓主發帖表示不解，直言「搭UO訂定支水有咩問題」？他續指：「聽到後面有人細細聲講，佢哋居然訂水，喺機場買咪得。」對於有關批評，樓主指出「搭親UO都一定訂定，起飛前就比我不知幾爽，又唔駛佢哋行多轉」，而且「$10支又唔係貴，幾個鐘唔飲水會好唔舒服架」，掀起不少港人討論。

點擊圖片放大

慳錢VS享受？ 網民分享廉航消費經歷

對於「訂水是否有問題」？大部份網民認為「$10平過機場買，機場買一支要好似$16」、「我都會訂水，有時仲食杯麵添」、「幫你諗埋慳錢真係好kam」、「我有時趕唔切食嘢會喺機上面order杯麵加汽水添，我真係唔覺得係一個問題，覺得需要咪買」。不過都有少數網民指出，「喺機場斟咪得，唔使錢」、「慳到最盡嘅人會帶樽入禁區斟完水先上機，或者入lounge偷運食物嘢飲上機」。

網民共識：旅行最緊要開心

與此同時，事件亦掀起網民分享乘搭廉航HK Express的感受，認為除了樽裝水之外，亦有人會選擇加購機艙美食。有人留言分享在HK Express食魚蛋配香檳，笑言「 佢哋會唔會覺得我係痴線㗎？」亦有人指「我會飛UO叫三哥杯麵，有時趕住出機場未食嘢，上機大家準備瞓教我就食杯麵，叫親杯麵都俾人望住」、「上月我搭UO夜機叫定生煎包，超熱爆汁！全機計埋我得兩個人叫定嘢食。我食完後發現陸續有乘客叫嘢食」。另外有人就覺得最終視乎個人選擇及旅行本質，認為「去旅行就要去得開心」、「去旅行就係要放縱，使錢買開心有咩所謂」？

點擊圖片放大

資料及圖片來源：Threads、HK Express官網