黃心穎自爆出現「孕吐級」壓力 罕談生育觀大轉變：「真係有咗我係開心」
相隔一年半，黃心穎再次推出新歌，適逢BIG FOUR宣布舉行演唱會，這段時間難免令人揣測，早前接受Hoytv主播Angela俞詠文專訪時坦然心很累。黃心穎表示每次推出新歌，心情都會很緊張：「尤其係推出前嘅兩個禮拜，我每朝早起身都會有一種肚痛，作嘔作悶嘅感覺，真係好似有咗咁！但係到咗前幾日又好返喇喎！但係一諗到準備要宣傳，又覺得好攰喇！哈哈哈！」
黃心穎自爆出現「孕吐級」壓力
講到這首歌首度「棄用」丈夫泥鯭做監製，黃心穎笑言是故意的：「因為我想搵一啲新人合作，有新嘅衝擊，咁當然佢都有偷偷指導我嘅，即係例如佢會叫我搵邊個做監製，畀啲我guideline我，但就真係冇參與！而個MV到最後先有我個樣，我喺特登嘅，因為我唔想出鏡，因為我驚要拍好耐呀！同埋啲歌詞已經好直白，所以鏡頭就朦朧啲，隱晦啲，唔使咁直接。」
黃心穎出新歌感覺如懷孕
黃心穎亦透露創作這首歌的時候，其實自己處於心很累的狀態：「當時係冇乜自信，有啲迷失嘅感覺，但而家好好多喇！因為識得點樣去面對，同埋調節情緒，唔可以畀佢影響到自己，當我面對唔好嘅情緒時，我會直接面對佢，唔開心就畀自己喊，如果覺得好煩嘅時候，就畀三日自己，之後就唔可以再頹落去喇！要畀一個期限，亦都唔好抑壓情緒，因為係咁累積落去，最後都係會爆！但係就算爆，我都唔會爆老公，因為佢嘅反彈力都好強下！哈哈哈！咁蠢嘅嘢我唔做㗎囉！」
黃心穎：真係有咗我係開心嘅！
對於黃心穎來說近年最美好的事，就是可以睡到自然醒，身邊的人和寵物身體都健康，提到生B的問題，心穎就很隨緣：「如果呢一刻有，我會覺得好開心，如果冇我又唔會覺得好缺失，以前我比較想做媽咪，但係到咗我而家嘅年齡，我連照顧自己都覺得好攰，如果再照顧多一個小朋友，我唔知我可唔可以應付到！」
【延伸閱讀】
港生活人氣娛樂新聞
【請您睇優先場🎞️】《電影多啦A夢：大雄之繪畫世界物語》
↓ 簡單一步，免費入場🙌↓
↓【限時搶⚡】賞您日本Flo(a)tus超跣水防風長雨傘↓
↓超跣水技術｜防風、防紫外線功能↓
