好人好事｜裝修師傅火炭拾銀包拒收失主酬金！網民激讚：呢個年代仲有咁嘅好人！
香港地生活節奏急促，人來人往間遺失個人物品時有發生，但幸好仍有熱心市民願意伸出援手。日前（7月4日）一名裝修師傅在火炭拾獲一個銀包，隨即於Facebook發帖尋找失主，短短兩小時內成功物歸原主。更令人讚賞的是，他婉拒失主酬謝的$500，僅笑言「第日裝修記得搵我」，獲網民大讚「香港仲有呢種好人！」
裝修師傅路不拾遺 網上發文尋銀包失主
一名裝修師傅日前在網上發文，指在火炭駿洋邨帖執到銀包，希望能尋找物主。幸運的是不足兩小時便成功聯絡到失主。
為確保安全，他在交還前先詢問銀包內的物品，對方「唔使諗即刻答中」，確認身份後便奉還。失主為一名年輕女生，臨走前硬塞$500以表謝意，但裝修師傅堅決拒收，體諒「00後出嚟做嘢都係一兩年，手頭唔會好鬆動啦！」他笑言只叫對方「Follow我個Page，第日裝修記得搵我就得」，更感慨道：「今日執到佢個銀包都係一種緣份。」
帖文引網民共鳴 分享自身好人好事經歷
帖文一出，隨即引來大批網民留言讚賞，有人更大讚「阿妹識do
。」有網友分享自己拾金不昧的經歷，感慨「好人難做」。有網民表示，曾在灣仔集成中心拾獲一部iPhone，原地等待機主10分鐘，對方卻「嚟啤住我，同埋冇講唔該，好似我搶佢嘢 俾佢周到咁」，態度惡劣，令他大感無奈。另一網民則指，曾冒雨將內有$2800的銀包送到失主樓下，全身濕透，對方雖給予$100紅包，但直言「當時更需要一把傘」，暗嘆對方「唔識做」。
不過，亦有網民分享正面經歷，例如在街市跌銀包後，獲菜檔老闆代為保管，直言「感恩遇到好人」。
網民大讚：裝修一定搵你
裝修師傅在帖文末呼籲：「希望大家唔好因為個世界不好而放棄做好人，情況許可、無伏就盡量幫助別人啦💪🏽」，獲得極大迴響。不少網民紛紛表示「已Follow，第日裝修一定搵你」、「好人一生平安」，更有人大讚：「宜家仲有呢種心態做人已經好少，支持你！」即使社會偶有冷漠，仍有人堅持行善，善意不必計算得失，有時一句「多謝」、一個Follow，已是最好的回報。
授權轉載：Facebook@良心裝修佬
港生活人氣本地熱話
↓【請您玩💌】LOST全新LEGO® NINJAGO®密室逃脫🏃！
↓重演《旋風忍者 龍之崛起》場景🥷🏻雙人門票玩咩密室都得😎↓
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
