真係拍成電影！《羅生門》15分鐘電影片段網上有得看

《羅生門》呢首歌實在太強呀，短短幾日，YouTube上嘅點擊率已經過百萬，好耐冇試過咁多人同時間聽一首廣東歌，大家都知《耿耿於懷》、《念念不忘》、《羅生門》3部曲背後有個好悲慘嘅故仔－有個男仔同女朋友分開咗，但係又放唔低，掛住人哋10年，最後發現個女仔一啲都冇思念，仲話個男仔其實唔了解佢，一班妹妹同傻小子聽到喊晒。

小編收到風，原來《羅生門》呢個故事係有電影版，用咗一個好特別方法表達，故事開始有一個武士被殺，佢老婆就被強盜強姦，差役就追查武士嘅死因。

強盜話係武士老婆叫佢同武士比拼，佢就打贏所以殺死武士，但冇強姦；武士老婆就話係強盜強姦佢之後，武士嫌棄佢，所以唔小心殺死武士；武士嘅靈魂就話係老婆叫強盜殺佢，佢好失望所以自殺；而目睹真相嘅樵夫冇講出真相，真相係強盜強姦咗武士老婆，武士嫌棄老婆，原本想搶妻嘅強盜開始對武士老婆冇興趣，武士老婆就挑撥兩個男人打交，最後強盜就打死咗武士。

「羅生門」呢個Term之後就被解作唔同人對一件事有唔同演繹，只有局內人先知真相。，呢套戲仲奪得電影節金獅獎同奧斯卡榮譽獎，簡直係一套影響後世嘅電影，係呀，我講緊日本導演黑澤明1950年套《羅生門》，唔係你哋以為我講咩？下，原來係舊戲？Sorry囉，我唔識嘢嘛！我以為係「羅生門」就關Juno事嘛！

 唔呃你，真係有片！