Tyson Yoshi婚禮化妝師失誤風波引爆負評圍剿 新郎與網民駁火「你想人哋冇工開啫」
人氣男歌手Tyson Yoshi與太太Christy日前在意大利舉行盛大婚禮，連日來在社交媒體上掀起洗版熱潮，本來一片好評，不過新娘化妝師Daniel的失誤風波，卻意外引發了網上軒然大波，Tyson Yoshi甚至親自與網民對罵，令婚禮風評和討論突然轉向負面。
化妝師自爆「蝦碌」經歷 化妝箱遺失險「原地退休」
Tyson Yoshi太太Christy的婚禮化妝師Daniel早前在網上分享了一段「蝦碌」經歷，透露自己由於航班問題，其化妝箱竟遺留在瑞士，未能隨行抵達意大利。在工具盡失的窘境下，他被迫在當地即時購買全新化妝品，並聲稱完成了一項「不可能的任務」、「差啲原地退休」、「無慣用工具下化咗Christy個wedding」。
新娘稱「小插曲」仍滿意，網民與同行質疑化妝師專業
新娘Christy事後曾留言表示這是「少少插曲」，對結果感到滿意，並感謝Daniel的專業和幫忙。不過，這番分享卻在網絡上掀起巨大爭議。許多網民以及有化妝師同行，紛紛質疑Daniel的專業操守，認為作為專業化妝師，核心工具理應hand carry上機，避免寄艙風險，並批評他將個人失誤「自J」並博取流量。
資深化妝師怒批「低級失誤」
同時，更有資深化妝師直言：「裝備唔hand carry真係好唔夠專業」，並指出「連呢啲唔專業嘅低級失誤嚟博流量為乜」。
「化得靚唔靚唔評論，因為化妝好主觀。但我作為一個出oversea出左十幾年既MUA可以講一句，裝備唔hand carry真係好唔夠專業，仲要攞自己既失誤嚟自J。我識既所有行家包括我，寧願唔見左條底褲都唔可以無左副架生。每次飛要死拖住一大一細喼。」
「有冇諗過，有機會係可以做得更好？」她批評：「唔係好明連呢啲唔專業既低級失誤嚟博流量為乜。比著係我知道D助手呀、我公司既化妝師會咁做，實比我媽叉死。教埋你 : hair spray同眉剪眉剃就真係要寄倉，其他全部可以hand carry .」
Tyson Yoshi護航化妝師 反擊網民「你嘈咩？」
對於婚禮化妝師受到抨擊，Tyson Yoshi似乎按捺不住，選擇在Threads上親自反擊。他最初為Daniel護航，直接質問：「我覺得化得好靚喎，你嘈咩？」此言一出，立即激化了網民情緒。
當有網民強調爭議點在於「專業操守問題」而非妝容美醜時，Tyson Yoshi的態度更趨強硬，甚至諷刺對方是「化妝師專業操守協會會長」，並寸爆指「你都係想搞人哋冇工開啫，唔好咁正義喇」。他指責網民「多嘢講」，甚至帶有不滿情緒地說「得啦得啦，你好有經驗啦，你叻啦 俾個獎你」。
新人護航反效果 Tyson Yoshi言論引爆口水戰
Tyson Yoshi的護航言論和激進惹火的態度，將事件從單純的化妝師失誤，演變成他與網民之間的口水戰。部分網民認為Tyson Yoshi盲目維護失誤，忽略了化妝師專業標準的重要性，亦其婚禮本來一片喜氣洋洋的氛圍，突然充斥負評。
化妝師發文息事寧人 盼風波告一段落
化妝師Daniel事後也發文澄清，承認今後出埠會更小心準備備用工具hand carry上機，並表示分享原意只是記錄一次難忘經歷及感謝新人的體諒。他表示事件被過度關注，希望能告一段落。
「喂啊，明明好小事，想1分享一次難忘嘅經歷，搞到百幾萬view。幾樣嘢想address返，以後出trip做嘢會執多套handy嘅工具係hand carry，避免total loss風險。一眾準新娘放心，我無再接新娘，無同其他parties 合作/掛單，香港嘅工作都少接咗好多，唔洗擔心遇到我。今次接Christy嘅婚禮係真係想照顧christy結婚化妝呢部分先決定做，條reels原意只係想分享呢個意外，同時appreciate christy & tyson嘅體諒，可能有人睇完覺得我嬉皮笑臉，唔知錯仲make fun of it。其實係想表現得雲淡風輕，但除咗panic 總有方法解決，坦白講當時發生係害怕極了，喊左少少，但之後沉住氣去處理。品牌方完全無要求我出任何content，我分享只係基於gesture 覺得滿意， 值得分享（過往一年化到滿意嘅妝，我都有咁樣share product list）。各個comment指教我都有睇，人無完美，我係一直學習緊，我想呢件事就去到呢到完滿咗佢，多謝大家關注咗一整日，love you all！」
港生活人氣娛樂新聞
↓【限時搶⚡】賞您SmileLife™ ProMov骼動 專利蛋殼膜「精準」關節配方↓
↓針對關節痛症、退化、勞損｜最快5天特強關節減痛↓
【送飛🎟️】蠟筆小新「玩轉！時空大冒險」互動體驗展！
↓2️⃣大新設展區✨│2米高小新立像／全新周邊精品／小新主題新餐單😍↓
