黃金商場買滑鼠見壞！店員竟要求換貨等到2點！港男無奈：換畀我係咪咁難？網民列3大罪狀直言寧願網購
百零蚊嘅滑鼠都要等兩粒鐘先換到？近日有港男在黃金電腦商場購買滑鼠後發現故障，返回店舖換貨時竟被要求「等到下午2點」才能處理，事件引發熱議。網民質疑是員工卸責抑或行業迷信，更慨嘆門市售後服務僵化，難怪越來越多人轉投網購懷抱。
港男黃金買滑鼠有壞 擬換貨揭古怪規則
近日有網民在連登討論區以「黃金Mouse換貨：我唔嬲，只係有啲唔明」為題發文，講述於深水埗黃金電腦商場購買滑鼠後發現故障，返回店鋪換貨時卻被要求「等到下午2點」才能處理，深感不解。事主表示新買的滑鼠滾輪故障，趁午休時間前去換貨，卻被告知需等到下午2點後才能處理。他無奈嘆道：「出面三十幾四十度，條街曬到溶咁，你要我攞住隻壞mouse行來行去等多兩個鐘？為咗隻百零蚊嘅mouse？」更感慨黃金商場沒落「係你哋自己攞嚟。」
網民質疑屬迷信：一早換貨唔使做生意
帖文引來近二百則留言熱議，不少網民質疑此舉是「員工懶散」抑或「行業迷信」，更有人批評兩點後方可換貨的規矩荒謬。另一邊箱有自稱從事零售業的網民反映，「從來都無呢啲迷信野，個客嚟換咪拿拿聲換比人，快快手攪掂，做下單生意好過。個客條氣又順，好過比個客係心咒足成日。」
亦有部分網民分享類似經歷，指香港電子產品保養服務長期不便，例如代理維修中心僅限辦公時間開放，變相逼消費者請假處理，直言「實體售後仲差過網購。」
來源：連登討論區、HKET圖片庫、《愛回家之開心速遞》劇照
港生活人氣本地熱話
↓【請您去🎁】荷花BB展2025👶 !↓
↓ 集合超過680個攤位😲舉辦BB爬行比賽等親子活動🍼↓
【送飛🎟️】蠟筆小新「玩轉！時空大冒險」互動體驗展！
↓2️⃣大新設展區✨│2米高小新立像／全新周邊精品／小新主題新餐單😍↓
