執法者們｜劉佩玥透視系OL裝晒好身材勁吸睛 兩場壓抑式喊戲演技大躍進
TVB雲集三名視帝的熱播劇《執法者們》，前晚（15日）一集揭出徐思思（劉佩玥Moon飾）是李雅文（宣萱飾）派往戴祖福（林嘉華飾）身邊的臥底；昨晚一集，潛伏已久的思思行動升級、將戴祖福所有罪證電郵給李雅文，因而被戴祖福揭發臥底身份兼被殺害…
執法者們｜劉佩玥透視系OL裝勁吸睛
前晚和昨晚一集，阿Moon角色都有很大發揮，單是See Through系列OL已相當吸睛、將其美好身段表露無遺。由於阿Moon飾演的角色頗複雜，既是患有長期病兒子的單親媽媽、還要背負好友李雅文的復仇使命潛伏在大奸角戴祖福身邊，還要利用無辜兼自己深愛的戴永強（梁競徽飾）；長期內心掙扎的思思，不但不苟言笑，就算哭、也是哭得抑壓含蓄。
執法者們｜兩場壓抑式喊戲晒躍進演技
前晚及昨晚一集，阿Moon便演活了兩場感覺及層次截然不同的喊戲，當她向李雅文報告蔡佩汶（陳若思飾）死訊時，眼淚壓抑得來帶著仇恨及警惕；對著梁競徽的喊戲，由於內心懷著歉意，故阿Moon的眼淚壓抑得來帶著溫柔、歉疚與憐愛，感染力勁！
阿Moon忍痛完成場口
之前阿Moon受訪時，曾提及在鑽油台拍攝期間不但發燒、還於上岸休息時不小心夾傷腳、一度痛至在醫院大哭，阿Moon重提舊事時不忘開玩笑謂：「如果大家見到我鴛鴦腳，就係我受咗傷之後拍架喇！」昨晚一集，阿Moon遭林嘉華篤爆臥底身份場口，其右腳除了有瘀痕、還明顯比左腳腫了一些，但阿Moon仍專業地忍痛完成場口，令人敬佩。
執法者們｜陳若思一秒強姦戲
昨晚Amber被殺一幕相當震撼，一人力戰兩大猛男的她，除了一度被整個人抱起兼不斷被拉扯外，還不斷遭練頸及被人將頭撼落鐵門。不過Amber接受官方訪問時，透露拍攝時完全不覺得辛苦，但拍畢後卻發現周身瘀：「因為當刻只係好集中咁去拍，但拍完真係全身瘀晒。因為我本身唔係經常做運動嘅人，所以並唔擅長動作場面。」
執法者們｜被虐殺畫面震撼香港版本被刪剪
其中一幕慘遭彪形大漢強姦的戲份亦吸引網民熱討；原來因為尺度關係，Amber香港版本的強姦戲份比內地版本含蓄，只有一秒左右便輕輕帶過。談到相關場口，Amber坦言是最辛苦的一場拍攝，並直指當時一度流下真眼淚：「我印象中拍嗰陣我真係好唔開心，因為個情景都好易令人代入到，我覺得好難受，所以一路喊一路咁叫救命…」
陳若思套套戲都死亡收場
Amber又謂很開心今次都有觀眾留意到自己：「起碼有人見到自己，咁死都值得喇！」翻查資料，自Amber在《新聞女王》飾演Yuki後，她之後在《刑偵12》的丁少婷，及這套《執法者們》的蔡佩汶均是死亡收場，就連之前在《痞子殿下》中演宫女，Amber也慘遭黃建東刺死！難怪有網民笑言，Amber無論演宮女、阿妹、人格還是獄友，都逃不過要死的命運！
網民激讚：蔡潔嗲Bosco勁正
先後合作過《法證先鋒V》、《驅魔龍族馬小玲》、《法證先鋒VI：倖存者的救贖》及《執法者們》等共八部作品的「菠菜CP」（黃宗澤＋蔡潔），原來是次是首度演情侶，且一嚟便甜蜜指數極高，除有親嘴戲（PS不止一次），昨晚的床上戲亦是極盡溫馨。鏡頭所見，陽剛味十足的黃宗澤，攬著皮膚雪白的蔡潔、畫面唯美，之後二人的互動更與真‧夫妻無異，黃宗澤眼見背著自己的蔡潔未瞓醒，溫柔地親吻對方頭頂。
床戲超溫馨再惹關注
之後被弄醒的蔡潔，輕輕皺眉後即轉身攬著黃宗澤，並以柔弱又嬌羞的眼神細細聲說自己想吃「沙嗲牛麵」，齋聽都感覺甜到漏！另之前蔡潔為黃宗澤煮飯一幕，除了蔡潔的賢慧Style備受關注，黃宗澤騙蔡潔留下來後、二人在餐桌上的甜蜜互動，也是望落愛意滿滿，有網民直言：「蔡潔嗲Bosco勁正」，難怪二人傳緋聞！
蔡潔視黃宗澤為定心丸兼學習目標：佢好得人鍾意
對於與黃宗澤演感情戲愈來愈有Feel，蔡潔接受官方訪問時坦承黃宗澤是其學習目標，並大讚對方好得人鍾意：「我拍第一套劇《飛虎2》已認識佢，當時佢隻腳受咗傷，而我有好多場口要同佢一齊完成，嗰刻我真係見到佢好專業，佢會忍住身體上嘅不適、去完成好多不可能任務。而且佢好得人鍾意，劇組上上下下都好喜歡佢，因為佢對人好真誠，我都成日提醒自己要向佢學習。其實我哋每次再碰面，我都會希望自己做得比上次好，無論係個人嘅演出、或者係大家嘅互動，佢都激勵到我進步。」
又笑言黃宗澤是她的定心丸：「我好榮幸入咗公司呢六、七年，可以同Bosco合作咁多次、成為好好嘅朋友。其實嗰時我拍《法證V》啱啱擔正，係好緊張嘅，所以當身邊嘅拍檔係好朋友時，個緊張情緒會有舒緩；我好多嘢都會問佢意見，如果佢肯定我，我係會定好多，都好感恩喺自己成長路常常都遇到佢，令我踏實好多。」
蔡潔開心動作戲獲讚：嗰幾秒對我嚟講並不容易
除了感情場口交足戲，蔡潔昨晚亦先後在停車場及執行海關工作期間展現好身手，蔡潔笑言「並不容易」：「雖然拍出嚟只係幾秒，但對我嚟講係並不容易，但我都係開心嘅，因為嗰兩場動作戲，可以show到我角色工作時嘅專業、表達到現代女性喺工作上嘅專業態度。同埋好多謝武指同所有工作人員，因為佢哋教識我點去擺靚啲甫。我想講，雖然係咁簡單嘅打戲，但我都係扭親咗少少手指公。」
港生活人氣娛樂新聞
↓【限時搶⚡】SERY BOX輕盈即食酵素粉↓
↓高速分解碳水、蛋白質及脂肪｜餐後消滯、去脹、減輕腸胃負擔↓
↓【限時搶⚡】賞您SmileLife™ ProMov骼動 專利蛋殼膜「精準」關節配方↓
↓針對關節痛症、退化、勞損｜最快5天特強關節減痛↓
