女神配對計劃｜葉蒨文曾展望零距離10秒對望！GM超真實生理反應全身驚變紅卜卜
無綫熱播戀愛綜藝真人騷《女神配對計劃》第七集內容將正式進入Dating Camp對戰環節，五位女神葉蒨文（Sophie）、李芷晴（Stephanie）、羅毓儀（Yuki）、關嘉敏（Carman）及梁敏巧（Maggie）會與13名求愛勇士／組員大玩扯大纜、中西餐配對，及心意配對遊戲；當中只有扯大纜及心意配對遊戲會派出鎖匙予勝出的求愛勇士。
葉蒨文曾展望「GS配」甜蜜互動引爆話題
上周宣傳已輕輕提及扯大纜，故本周宣傳重點落在「勁多嘢睇」的中西餐配對環節，及心意配對遊戲。這一集，備受兩地網民熱捧的Sophie及曾展望（簡稱GS配），將拼發更多火花，除了眉目傳情、隔空呷醋，還有甜度爆標的深情對望！
深情對望10秒甜度破表
事緣獲命運之神眷顧大玩親密遊戲的GM及Sophie，抽中要「不能眨眼的情況下對望10秒」，結果二人在不能自控地甜笑的情況下深情對望，期間Sophie忍不住篤爆GM：「你隻耳仔好紅」，GM則一臉羞澀地摸住耳仔否認：「冇呀！有咩？」
曾展望「全身泛紅」羞澀否認
可惜愈否認耳仔愈紅之餘，連帶整個人也紅起上來，獲Sophie取笑「同件衫（GM身穿粉紅背心）一樣色」；事後二人分別接受製作組訪問，還對之前的甜蜜對望回味不已，場面如此犯規！
五大女神濕身唯美水著Look搶先睇！
新一集公開五位女神葉蒨文（Sophie）、李芷晴（Stephanie）、羅毓儀（Yuki）、關嘉敏（Carman）及梁敏巧（Maggie）唯美濕身水著Look，分別穿上紫／白色、白色、花哩碌、墨綠色及紅色泳衣，大晒陽光活力一面，配以肉緊開心表情，吸睛度爆燈！
GM擔心玩輸遊戲睇住Sophie與其他男仔過夜
而Camping正式開始前，主持人兼金牌媒人林盛斌會向所有求愛勇者宣布當日成績最好表現的五位男士，將可跟心儀女神單獨同房過夜！一眾男士得知後表現勁震驚，紛紛大叫「好癲！」、「玩到咁大？！」GM接受製作組訪問時，更又再展現可愛本色搞笑謂：「死喇，咁即係如果我玩輸咗，佢咪同第二個同房？」
葉蒨文豪語迎Camping：我最期待係同男嘉賓瘋狂交流
談到在「三角枱約會」失利敗給勁敵林澤謙，GM坦言有很大挫敗感，但卻驅使他這次入Camp變得Carefree：「講真我咁大個仔都未試過咁樣追女仔！上次個挫敗感其實幾強，所以今次呢個camp我係期待，開開心心唔好諗咁多，結果係點就隨緣啦。」至於向來語出驚人的Sophie則豪邁笑謂：「我最期待係同男嘉賓瘋狂交流！」
全球潛力求愛勇者最後召集！
為了增加刺激及緊張感，每一刻都充滿變數的《女神配對計劃》，無綫官方網及官方社交平台宣布展開為期兩星期的「《女神配對計劃》—求愛勇者最後召集大踢館」限時活動，緊急呼籲全球年滿十八歲的潛力男性筍盤，報名爭奪「踢館」資格加入追女神行列！
被初步選中的求愛勇者，將與現任求愛勇者一樣經過主持人兼金牌媒人林盛斌（阿Bob）及花生團的嚴格篩選，方能獲得踢館資格，與現任求愛勇者一爭長短，正如官網呼籲話齊：「唔想眼白白睇住自己鍾意嘅女神被追走，就要把握最後機會！」
成功被選中「踢館」即可加入追女神行列
《女神配對計劃》最後一次全球招募正式開始接受報名日期為7月10日中午12時，截止報名日期則為7月24日晚上11時59分（以香港時間為準），請即把握機會加入節目、與其他求愛勇者一決高下！
港生活人氣娛樂新聞
↓【請您去🎁】荷花BB展2025👶 !↓
↓ 集合超過680個攤位😲舉辦BB爬行比賽等親子活動🍼↓
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
