日本航空9月起停止粵語客服服務！網民感嘆：文化流失...揚言或考慮其他航空公司
日本航空（Japan Airlines）宣布自2025年9月9日起，客服中心將停止提供廣東話支援服務，建議旅客改用英語或普通話。此舉引發香港網民熱議，有人理解為成本考量，也有人感慨文化流失，甚至揚言轉投其他航空公司。
日本航空客服中心9月起停止廣東話服務
日本航空日前宣布，「客服中心提供的語言支援將進行調整。自2025年9月9日起，我們將不再提供廣東話支援。在此日期之後，我們誠摯邀請您使用英語或普通話與我們聯繫。」相關公告獲轉載至Facebook群組引起討論。
網民感慨：真係幾失望
有網民認為取消廣東話客服屬無可厚非，現時各大企業都需要減省開支，「呢個唔怪得香港人, 日航自從COVID後 委縮得好緊要, 相對ANA, 佢哋來往香港的航班減少咗好多。呢個係佢地公司嘅問題, 唔係香港旅客特別有咩問題」、「同 L'Oréal一樣，又一間外國公司覺得香港同中國係冇分別， 既然一樣又何需特別開個分部喺香港？貪你租貴人工貴？」有網民感慨「識粵語嘅人相比普通話及國語的確係少好多，請唔到人要cut都冇辦法，所以更加要保存粵語。粵語消失係文化嘅損失」、「商業角度上咁樣cut人手冇問題既，但情感上香港人黎講會唔開心囉。」
亦有人認為港人語文能力不俗，加上可以使用翻譯軟件或人工智能，即使轉用英文溝通亦無問題，加上「本身一間日本航空公司、我都預設佢得日文同英文」、「買得機票出門都係靠英語啦！」另一方面，有網民表示航空公司沒有提供廣東話支援，將來會考慮其他航空公司服務，「我一定理解同包容，但我不會選擇再搭」、「有其他航空公司提供到廣東話服務既話，點解要幫襯你？」
港生活人氣本地熱話
《U GO必去榜》4️⃣大TOP2️⃣0️⃣榜單出爐🎉！
立即睇👀港人熱推演唱會／活動展覽／人氣自助餐／打卡Café😍
《社群》請您試用全新「驅蚊大師『清爽版』」200支！
