大學畢業即變負債人生？港媽1理由拒政府學貸 女兒畢業即被追討學費！網民鬧爆：係咪想冇咗個女

阿媽視學費為「投資」？港女一畢業即被追債...

最近有女網友於Dcard發帖，指自己畢業在即卻壓力重重，並詢問一眾網民「係唔係一定要俾返啲學費屋企人」。樓主在文中提到，當年媽媽以「驚查資產」為由，拒絕讓她申請政府學生貸款，「佢就話麻煩，一陣又覺得會查資產，唔聽人講，固執到」，最終大學學費全由母親承擔。

原以為學費一事已成過去，但原來媽媽早有盤算，已將大學學費視為「投資」，早前更要求樓主畢業後盡快還清所有費用，「我媽一直都覺得佢幫我俾學費，我grad完返工一定要俾返晒佢」。

事主補充：好想自己搬出黎住

事主補充指，家中財政狀況一般，母親任職餐飲樓面，父親已退休多年，現時一家四口住在居屋單位，哥哥擁有獨立房間，而她則需與父母同房，「碌架床，我訓上，老豆老母訓下」，生活空間極為狹窄，幾乎沒有任何私隱。她表示，「一直都好想自己搬出黎住」，但現在要同時應付學費還款以及生活開支，令她壓力爆煲。

女事主：「我一直都好想自己搬出黎住，因為冇自己房，同阿爸阿媽一間房好冇私人空間，諗到又要草（儲）錢搬出去，又要還返學費俾阿媽，真係好大壓力！」

網民力撐事主：你無欠佢哋

帖文一出，隨即引發熱烈討論，大批網民留言力撐事主，認為父母供書教學原屬責任，樓主並無虧欠家人，「供書教學你到grad好正常」。亦有人指出，既然母親當初拒絕讓她申請學生貸款，責任自然也不在子女身上，「有病，唔俾人借，記住你無欠佢哋架」、「叫你老母咪能din（癲）啦，佢咁搞法係咪想冇咗個女」。

有理性網民建議，事主可參考政府NLSFT貸款利率及還款年期，按其利率及還款年期分期償還部分金額，「跟政府loan咁還，十幾年慢慢還」、「你按翻NLSFT利率同埋還款期慢慢搣比佢」、「錢係你戶口，比唔比係你話事，依家係佢要求你攞錢」。

▼網民點睇▼

+5

+4

點擊圖片放大

來源：Dcard